اسلام آباد۔30جنوری (اے پی پی):نائب مزن وزیرءُ درئی کارانی وزیر سینیٹر محمد اسحاق ڈار ءَ گوں آذربائیجان ءِ صدر ءِ ھاسیں ذمہ واری آنی نمائندہ خلیف خلیفوف ءَ گند ءُ نند کت ءُ وت مہ وتی کمک ءُ دو نیمگی سیادی آنی دیمروئی ءِ سر ءَ گپ ءُ تران کت۔ جمعہ ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ خلیف خلیف …
نائب مزن وزیر ءُ درئی کارانی وزیر سینیٹر محمد اسحاق ڈار ءَ آذربائیجان ءِ صدر ءِ نمائندہ ءَ گوں گند ءُ نند کتگ، وت مہ وتی کمک ءُ دو نیمگی سیادی آنی دیمروئی ءِ سر ءَ گپ ءُ تران
گیشتریں ھال
اسلام آباد۔30جنوری (اے پی پی):نائب مزن وزیرءُ درئی کارانی وزیر سینیٹر محمد اسحاق ڈار ءَ گوں آذربائیجان ءِ صدر ءِ ھاسیں ذمہ واری آنی نمائندہ خلیف خلیفوف ءَ گند ءُ نند کت ءُ وت مہ وتی کمک ءُ دو نیمگی سیادی آنی دیمروئی ءِ سر ءَ گپ ءُ تران کت۔ جمعہ ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ خلیف خلیف ءَ آذربائیجان ءِ انوگیں سروکی ءَ ایشیا ءَ تعامل ءُ اعتماد سازی ءِ گامگیج آنی ھوالگ ءَ کانفرنس ءِ جاریءُ آیوکیں گامگیج آنی بابت ءَ سرجمیں بریفنگ داتگ۔ نائب مزن وزیرءُدرئی کارانی وزیراسحاق ڈار ءَ سی آئی سی اے ءِ تہ ءَ آذربائیجان ءِ سروکیں کرد ءِ توسیپ کنان ءَ دمگی کمک، گپ ءُ تران ءُ وت مہ وتی بھروسہ ءِ دیمروئی ءِ واستہ باکو ءِ کوشست آناں سرجمیں رنگ ءَ کمک ءِ پدرائی کت۔ دوئیں نیمگ ءَ پاکستان ءُ آذربائیجان ءِ نیام ءَ براتیسیادی ءَ را گیش پراھی کنگ ءُ جتا جتائیں شوبگ آنی تہ ءَ دو نیمگی کمک ءَ را گیش کنگ ءِ امکان آنی سر ءَ ھم گپ ءُ تران کنگ بوت۔
