نائب مزن وزیر ءُ دری کارانی وزیر سینیٹر محمد اسحاق ڈار ءَ یورپییونین ءِ گوما پاکستان ءِ اقتصادی ءُ تجارتی سیادی ءَ را مھکم کنگ ءِ ھوالگ ءَ مزن تک ءِ بین وزارتی دیوان ءِ سروکی ءَ کنگ ءَ انت

اسلام آباد۔30جنوری  (اے پی پی):نائب مزن وزیرءُ دری کارانی وزیر سینیٹر محمد اسحاق ڈار ءَ یورپییونین ءِ گوما پاکستان ءِ اقتصادیءُ تجارتی سیادی ءَ را مھکم کنگ ءِ ھوالگ ءَ مزن تک ءِ بین وزارتی دیوان ءِ سروکی کت۔ نائب مزن وزیر ءُ دری کارانی وزیرءَ تجارتی کمک ءِ تہ ءَ گیشی ، اقتصادی سیادی ءِ واستہ نوکیں موہ آنی شوھازگ ءُ پاکستان ءُ یورپییونین ءِ اقتصادی سیادی آناں گیش گہتری ءِ سر ءَ زور پر دات۔ جمعہ ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیرءُ وزیر ءِ درئی کار ءَ اے گپ ءِ سر ءَ دلگوشی دات کہ جی ایس پی پلس وت مہ وتی فائدگ مندیں تجارت ءِ واستہ سک باز ھاسیں فریم ورک اِنت ءُ پاکستان ءِ اقتصادی دیمروئی ءِ واستہ ایشی ءِ توانائی ءَ را سرجمی ءَ کارمرد کنگ ءِ ضلورت ءِ سر ءَ زور پر دات۔ گند ءُ نند ءَ وفاقی وزیر برائے تجارت، مزن وزیر ءِ ھاسیں کمکار طارق باجوہ، دری کارانی سیکرٹری سفیر آمنہ بلوچ، تجارت، انسانی حق ءُ انسانی وسائل ءِ سیکرٹری ءُ سیادی داروکیں وفاقی ءُ صوبائی محکمہ ءُ وزارت آنی مزنیں کارندہ آں بہر زرتگ۔