اسلام آباد۔31جنوری (اے پی پی):وفاقی تہی کارانی وزیر محسن نقوی ءَ بلوچستان ءِ جتا جتائیں دمگاں فتنہ الهندستان ءِ ناشرکارانی اُرش ءِ سک باز مذمت کتگ ءُ اُرشانی ناکام کنگ ءِ ھاترا سیکورٹی فورسز ءُ کانود ءِ نفاذ ءِ ادارگ آناں شگر ءُ منت گپتگ۔ شمبے ءِ روچ ءَ وتی بیان ءِ تہ ءَ وفاقی وزیر ءَ گوشت کہ پاکستان ءِ بامردیں زھگاں وھد ءِ سر ءَ جوانیں کارروائی …
وفاقی داخلہ ءِ وزیر محسن نقوی ءَ بلوچستان ءِ جتا جتائیں دمگاں فتنہ الهندستان ءِ ناشرکارانی اُرش ءِ سک باز مذمت کتگ ءُ اُرشانی ناکام کنگ ءِ ھاتر ءَ سیکورٹی فورسز ءُ کانود ءِ نفاذ ءِ ادارگاں توسیپ ءُ ستا
گیشتریں ھال
اسلام آباد۔31جنوری (اے پی پی):وفاقی تہی کارانی وزیر محسن نقوی ءَ بلوچستان ءِ جتا جتائیں دمگاں فتنہ الهندستان ءِ ناشرکارانی اُرش ءِ سک باز مذمت کتگ ءُ اُرشانی ناکام کنگ ءِ ھاترا سیکورٹی فورسز ءُ کانود ءِ نفاذ ءِ ادارگ آناں شگر ءُ منت گپتگ۔ شمبے ءِ روچ ءَ وتی بیان ءِ تہ ءَ وفاقی وزیر ءَ گوشت کہ پاکستان ءِ بامردیں زھگاں وھد ءِ سر ءَ جوانیں کارروائی کتگ ءُ ناشرکار آناں جہنم ءَ سر کتگ۔ محسن نقوی ءَ گوشت کہ بہادریں زھگ آناں سلام پیش کناں کہ ایشاں ناشرکار آنی گندیں نیت ناکام کتگ۔ وزیر داخلہ محسن نقوی ءَ اُرش آنی ناکام کنگ ءِ واستہ سیکورٹی فورسز ءُ کانود نافذ کنوکیں ادارگ آنی پیشہ وارانہ لیکہ ءِ توسیپ کتگ ءُ اُرش آناں ناکام کنگ ءِ وھد ءَ وتی جان ندر کتگیں 10 سپاھیگ آناں شگر ءُ منت گپتگ۔ وفاقی وزیر ءَ گوشت کہ بہادریں زھگاں وتی جان ءِ قربانی ءَ چہ بھارت ءِ سرپرستی ءَ ناشرکار آنی نا شریں منصوبگ آناں ناکام کتگ۔ راج وتی دلادریں زھگانی سر ءَ پھر کنت۔ ھما سرمچار کہ وتی جان ندر کتگ اَنت آ راج ءِ ھیرو اَنت۔ محسن نقوی ءَ گوشت کہ شھید آنی مزنیں قربانی مدام یات کنگ بنت۔
