مزن وزیر شہباز شریف ءَ آسٹریلیا ءِ ھلاپ ءَ ٹی ٹوئنٹی کرکٹ سیریز ءَ پاکستان ءِ سوبمندی ءِ پد ءَ راج ءَ را مبارکی دات

لاہور ۔31جنوری  (اے پی پی):مزن وزیر محمد شہباز شریف ءَ آسٹریلیا ءِ ھلاپ ءَ ٹی ٹوئنٹی کرکٹ سیریز ءَ پاکستان ءِ سوبمندی ءِ سر ءَ راج ءَ را مبارک بات دیگ ءَ گوشت کہ کھڈکار آناں جوانیں اسپورٹس مین شپ ءِ درشان ءَ چہ شائقین آنی دل گپتگ اَنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ پاکستانی کرکٹ ٹیمب ءِ جوانیں کارکردگی ءَ را ساڑات ءُ چیئرمین پاکستان کرکٹ بورڈ محسن نقوی ، لیب کنوک ءُ ٹیم مینجمنٹ ءَ را ستا کرت ۔ آئی ءَ امیت درشان کت کہ اے سوبمندی ءِ سلسلہ آیوکیں وھد ءَ ھم برجاہ بیت۔