سید یوسف رضا گیلانی ءَ بلوچستان ءَ ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را  توسیپ ءُ ستا

اسلام آباد۔31جنوری  (اے پی پی):سینیٹ ءِ چیئرمین سید یوسف رضا گیلانی ءَ بلوچستان ءِ جتا جتائیں دمگاں ناشرکارانی ھلاپ ءَ سوبمندیں آپریشن ءِ پد ءَ سیکورٹی فورسز ءَ را شگر ءُ منت گپت۔ شمبے ءِ روچ ءَ چیئرمین سینیٹ ءَ وتی بیان ءِ تہ ءَ گوشت کہ ناشرکاراں بلوچستان ءَ دوازدھیں جتا جتائیں ھند آنی سر ءَ اُرش کتگ اَنت کہ سیکورٹی فورسز ءَ گوں بہادری ءُ پیشہ وارانہ رنگ ءَ اُرش بے سوب کتگ اَنت۔ آئی ءَ صوبائی حکومت ءِ ھم توسیپ کت ءُ گوشت کہ بنجاھی وزیر بلوچستان میر سرفراز بگٹی ءِ سروکی ءَ صوبائی حکومت ناشرکاری ءِ ھلاپ ءَ سیکورٹی ادارگ آنی گوما جوانیں رنگ ءَ کمک کنگ ءَ انت ءُ امن ءُ ایمنی ءِ برجائی ءِ واستہ عملی گامگیج زورگ ءَ انت۔ سید یوسف رضا گیلانی ءَ گوشت کہ راج وتی ھما دلیریں ورنا آنی سر ءَ پھر کنت کہ آ وتی سراں ندر کنان ءَ ملک ءِ رکھینگ ءَ کنگ ءَ اَنت۔ آپریشن ءِ وھد ءَ شھید بوتگیں اہلکار آنی قربانی ءَ را راج کدی شموشکار نہ بیت۔ داں انوگ ءَ 100 ءَ چہ گیش ناشرکار بیران بوتگ کہ اے سیکورٹی فورسز ءِ دلیری ءُ قربانی ءِ پدریں ثبوت انت۔ نیروی ایمنی ءَ دژمن ءِ منصوبگ بے سوب کنان ءَ راج ءَ شان داتگ۔ آئی ءَ سیکورٹی فورسز ءِ وھد ءِ سر ءَ جوانیں کارروائی ءَ را ساڑات ءُ گوشت کہ اے گپ ثابت بوتگ کہ مئے سلاہ بندیں اُرد ءُ کانود ءِ نفاذ ءِ ادارگ دژمن ءُ ناشرکاریں عناصر ءَ را لائکیں پسو دیگ ءِ واستہ مدام تیار اَنت۔ کلیں راج امنیت ءِ نیمگ ءَ اوشتاتگ۔ سید یوسف رضا گیلانی ءَ اے گپ پدر کت کہ ملک ءِ امن ءُ ایمنی ءُ برجائی ءِ بابت ءَ ہچ وڑیں سوگند کنگ نہ بیت۔ ناشرکاری ءِ ھلاپ ءَ جنگ ءَ سیکورٹی فورسز ءِ قربانی ناقابل فراموش انت، ایشی ءِ سبب ءَ ملک ءَ امن ءِ برجائی ءِ کوشست سوبمندیں رنگ ءَ دیم ءَ روگ ءَ انت۔