ڈی جی آئی ایس پی آر ءَ گوادر یونیورسٹی ءَ نودربر ءُ اساتذہ ءِ گوما انٹرایکٹو سیشن برجم داشتگ، ریاست ءِ ھلاپ ءَ پروپیگنڈا ءُ ردیں ھالانی بابت ءَ سرپدی دیگ بوتگ

راولپنڈی۔31جنوری  (اے پی پی):گوادر یونیورسٹی ءَ نودربر ءُ اساتذہ ءِ گوما ھاسیں انٹرایکٹو سیشن ءِ برجم داشتگ۔ شمبے ءِ روچ ءَ آئی ایس پی آر ءِ نیمگ ءَ چہ جاڑی بوتگیں پریس ریلیز ءِ رد ءَ ڈی جی آئی ایس پی آر ءَ را یونیورسٹی ءَ آیگ ءِ سر ءَ فیکلٹی ءِ باسک ءُ نودربراں آئی ءَ را گہتری ءَ گوں وش آتک کتگ۔ ڈی جی آئی ایس پی آر ءَ راجی ءُ دمگی ایمنی ءِ جیڈھ آنی سر ءَ نودربر ءُ اساتذہ آنی گوما سرجمیں گپ ءُ تران کتگ۔ آئی ءَ سوشل میڈیا ءِ سر ءَ ریاست ءِ ھلاپ ءَ پروپیگنڈا ءِ بابت ءَ ھواریں مردم آناں سرپدی دات، ردیں ھال آنی مہم آنی بابت ءَ سرپدی دات ءُ ھال آنی پٹ ءُ پول ءِ سر ءَ زور پر دات۔ اے موہ ءِ سر ءَ نودربراں گوشت کہ پاک فوج ءَ دائم ءَ ریاست، آئین ءُ راجی شرپ ءِ گر ءُ دار کتگ ۔ آئی ءَ گیش گوشت کہ ڈی جی آئی ایس پی آر ءِ گپ ءَ چہ بازیں ردیں لیکہ آناں پدر کنگ ءَ کمک رستگ۔ نودربر آں پاک اُرد ءِ ھمک گرانیں ساھت ءَ راج ءِ گوما اوشتگ ءِ بے دروریں جزم ءَ را شان ءُ شانت دات۔ آئی ءَ گیش گوشت کہ ڈی جی آئی ایس پی آر ءَ ردیں ھال آنی سر ءَ شواہد آنی گوما جوانیں رنگ ءَ دیم پہ دیم بوتگ ایشی ءَ چہ سیشن سک باز زانتکاریں رنگ ءَ بوتگ۔