پاکستان ءُ کینیڈا ءِ نیام ءَ بیپار ءِ دیمروئی ، کان کنی ءُ کشت ءُ کشاری کمک ءَ را گیش کنگ ءِ واستہ گامگیج آناں گیش کنگ بیت ، وفاقی وزیر تجارت جام کمال خان

اسلام آباد۔31جنوری  (اے پی پی):وزارت تجارت ءَ وفاقی وزیر برائے تجارت جام کمال خان ءَ پاکستان ءِ واستہ کینیڈا ءِ ہائی کمشنر طارق علی خان ءَ گوں گند ءُ نند کت۔ اے موہ ءِ سر ءَ تجارت، سرمایہ کاری، کان کنی، کشت ءُ کشاری، توانائیءُ نوکیں شوبگ آنی تہ ءَ دو نیمگی کمک ءَ را گیش کنگ ءِ سر ءَ زور پر دیگ بوت۔ گند ءُ نند ءَ مزن وزیر ءِ کوآرڈینیٹر برائے کامرس رانا احسان افضل خان ھم ساڑی ات۔ وزارت تجارت ءِ نیمگ ءَ چہ جاڑی بوتگیں بیان ءِ رد ءَ گند ءُ نند ءِ ساھت ءَ دوئیں نیمگ ءَ دیم ءَ آیوکیں جھان ءِ اقتصادی منظر نامہ ءِ سر ءَ چار ءُ تپاسی کنگ بوتگ ءُ سپلائی چینءُ جیو پولیٹیکل بدلی ءِ نیام ءَ انکولی تجارتی حکمت عملی ءِ ضلورت ءِ سر ءَ زور پر داتگ۔ وفاقی وزیر ءَ پاکستان ءِ شریکداری ءَ را تنوع ءِ تہ ءَ ھوار کنگ ءُ کوالٹی ءِ درملکی سرمایہکاری ءَ را را وتی نیمگ ءَ راجینگ ءِ واستہ ھاسیں رنگ ءَ ویلیو ایڈڈءُ ایکسپورٹ ءِ سر ءَ مبنی شوبگ آنی تہ ءَ جزم ءِ سر ءَ زور پر دات۔ گپ ءُ تران ءِ ساھت ءَ کان کنی ءُ معدنیات ءِ شوبگ ءَ کمک ءَ را اولی ارزشت دیگ بوت۔ جام کمال خان ءَ کسان ءُ میاں اوستمانی کان کنی منصوبگ آناں دیمروئی دیگءِ واستہ پاکستان ءِ گیش بوھوکیں دلچسپی ءِ سر ءَ زور پر دات ءُ دیمروئی کتگیں پٹ ءُ پولی تکنیک، سروے ءِ مہارت ءُ ذمہ واریں کان کنی ءِ گورننس ءِ ارزشت ءِ سر ءَ زور پر دات۔ کینیڈا ءِ ہائی کمشنر ءَ کان کنی ءِ ازمت ءُ پٹ ءُ پولی ٹیکنالوجی آنی تہ ءَ کینیڈا ءِ جھان ءِ سروکی ءِ سر ءَ زور پر دات ءُ صلاحیت سازی ءِ گامگیج، تکنیکی کمک ءُ کاروباری کمک ءِ وسیلگ ءَ پاکستان ءِ کمک کنگ ءِ واھشت ءِ درشانی کت۔ اے درگت ءَ فریقین ءَ ٹورنٹو ءَ پراسپیکٹرز اینڈ ڈویلپرز ایسوسی ایشن آف کینیڈا (پی ڈی اے سی) ءِ کانفرنس ءَ پاکستان ءِ بھر زوری ءِ سر ءَ ھم گپ ءُ تران کت کہ ایشی ءِ تہ ءَ پاکستانی کان کناں کینیڈا ءِ سروکیں پٹ ءُ پولی کمپنیءُ سروس پروائیڈر آنی تہ ءَ رسائی ءِ سر ءَ زور پر دات۔ دیوان ءَ زرعی کمک ءِ سر ءَ ھم چار ءُ تپاسی کنگ بوت ھاسیں رنگ ءَ پاکستان ءَ کینیڈا ءِ کینولا ءِ برآمدات ءِ انوگیں وھد ءَ پدا بندات کنگ ءِ سر ءَ ھم چار ءُ تپاسی کنگ بوت۔ فریقین ءَ سوبمندیں بنداتی شپمنٹ ءِ توسیپ کت ءُ بروقت درآمدات ءَ را دل یکیمی کنگ ءِ واستہ ریگولیٹریءُ طریقہ کار ءِ رکاوٹ آناں دور کنگ ءِ واستہ یکجائی ءَ کار کنگ ءِ سر ءَ تپاک کت۔ وفاقی وزیر ءَ گوشت کہ کینولا پاکستان ءِ ورگ ءِ تیلءُ لائیو اسٹاک فیڈ ءِ شوبگ آنی واستہ یک ھاسیں بھر اِنت۔ آئی ءَ کشت ءُ کشاری، زرعی کاروبار ءُ فوڈ سیکیورٹی ءِ تہ ءَ مزنیں کمک ءِ وش اتک کت۔ گپ ءُ تران ءِ تہ ءَ ڈیری ءُ لائیو سٹاک ءِ دیمروئی ءِ تہ ءَ ممکنہ کمک ءِ گیش ءُ گیوار ءِ سر ءَ ھم گپ ءُ تران کنگ بوت، ایشی ءِ تہ ءَ جانور ءِ جینیات، نوکیں ڈیری فارمنگ ٹیکنالوجی ءُ نادراھی آنی گر ءُ دار ءِ رھبند ھوار اَنت۔ ایشی ءِ مول ءُ مراد پاکستان ءَ پیداواری ءُ کوالٹی ءَ را گیش کنگ اِنت۔ توانائی ءِ شوبگ ءِ حوالہ ءَ کینیڈا ءِ ہائی کمشنر ءَ پاکستان ءَ قابل تجدید توانائی ءِ منصوبگ آنی تہ ءَ کینیڈا ءِ سرمایہ کاری ءِ ھوالگ ءَ جیڈھ آناں گیواریءُ سرمایہ کار آنی اعتماد ءَ را برجم دارگ ءِ واستہ ریگولیٹری رکاوٹ آنی ھلاسیءُ وھد ءِ سر ءَ منظوری آنی سر ءَ زور پر دات۔ نیمگءَ پاکستان ءُ کینیڈا ءِ دو نیمگی سرمایہ کاری معاہدے ءِ سر ءَ پیشرفت ءِ سر ءَ ھم چار ءُ تپاسی کنگ بوت ءُ گیش ءَ چہ گیش کینیڈا ءِ سرمایہ کاری ءِ دلبڈی ءِ واستہ گپ ءُ تران ءِ تہ ءَ گوستگیں پیشرفت ءَ را برجاہ دارگ ءِ ضلورت ءِ سر ءَ تپاک کت۔ دیوان ءِ آسر ءَ ادارگی رابطہ آناں مھکم کنگ، نجی شعبہ ءِ ھوار بوھگ ءَ را گیش کنگ ءُ آیوکیں ماھ آنی تہ ءَ پاکستان ءُ کینیڈا ءِ اقتصادیءُ تجارتی سیادی ءَ را گیش گہتر کنگ ءِ واستہ ٹھوس گامگیج چست کنگ ءِ واستہ یکجائیجزم ءِ گوما آسر بوت۔