راجی اسمبلی ءِ اسپیکر ایاز صادق ءَ کابل ءُ بلوچستان ءَ 12 ناشرکاری اُرش ءِ ناکام کنگ ءِ ھاتر ءَ سیکورٹی فورسز ءَ را شگر ءُ منت گپتگ

اسلام آباد۔31جنوری  (اے پی پی):راجی اسمبلی ءِ اسپیکر سردار ایاز صادق ءَ بلوچستان ءَ فتنہ الهندستان ءِ 12 اُرش ناکام کنگ ءُ ناشرکارانی ھلاس کنگ ءِ پد ءَ سیکورٹی فورسز ءَ را شگر ءُ منت گپت۔ شمبے ءِ روچ ءَ راجی اسمبلی سیکرٹریٹ ءِ نیمگ ءَ جاڑی بوتگیں بیان ءِ تہ ءَ اسپیکر راجی اسمبلی ءَ سیکورٹی فورسز ءِ 10 کارندہ آناں شگر ءُ منت درشان کت کہ آھاں ناشرکاری اُرش آناں ناکام کنگ ءِ وھد ءَ وتی جان ندر کتگ اَنت۔ آئی ئَ گوشت کہ ناشرکاری ئِ ھلاپ ئَ وتی سر ندر کرتگیں بہادریں سپاھیگ آنی سر ئَ را راج پخر اِنت، ئُُ ملک ئُُ راج ئِ دفاع ئِ سر ئَ ندر کرتگیں سپاھیگ مئے پیشانی ئِ سرپ اِنت۔ اسپیکر راجی اسمبلی ءَ شہیدانی کھول ءِ گوں دل ءِ جہلانکی ءَ دلپدردی ءِ درشانی کتگ ءُ گشتگ کہ سرجمیں راج شہیدانی کھول ءِ غم ءَ شریک انت، ءُ شہیدانی قربانی بے سوب نہ بنت۔ اسپیکر راجی اسمبلی ءَ گوشت کہ فتنہ الهندستان ءِ گڈی ناشرکار سیکورٹی فورسز وتی کاروائی ءَ تاں گڈ سر ءَ برجاہ دار اَنت۔ ناشرکاری ءِ ھلاپ ءَ جنگ ءَ سرجمیں راج سیکورٹی فورسز ءِ ھمراھی ءَ اوشتاتگ۔ ناشرکاری ءِ ھلاسی ءِ واستہ سیکورٹی فورسز ءِ بے دروریں جزم ستا کرز انت۔ قومی اسمبلی ءِ اسپیکر ءَ شہیدانی رِتک برز کنگ ءُ غم ءِ آماچیں کھول ءِ واستہ صبر ءُ اوپار ءِ دعا لوٹ اِت۔