پنجاب ایگریکلچر فوڈ اینڈ ڈرگ اتھارٹی جان سلامتی ءِ کوالٹی ءَ را گہتر کنگ ءِ ھاترا یک نوکیں منصوبگ ءِ انت، مزن وزیر محمد شہباز شریف، پنجاب ءَ ڈیجیٹل انقلاب ءِ بندات بوتگ، سر وزیر پنجاب

لاہور۔31جنوری  (اے پی پی):مزن وزیر محمد شہباز شریف ءَ گوشت کہ سرکاری ھزمت مئے مول ءُ مراد اِنت ءُ شفافیت ءِ دیمروئی ءِ واستہ نوکیں ٹیکنالوجی ءِ کارمرد کنگ وھد ءِ لوٹ اِنت، کرپشن ءُ میرٹ ءِ ھلاپ ورزی ءِ گنجائش نیست، پنجاب ایگریکلچر فوڈ اینڈ ڈرگ اتھارٹی یک جدید ترین منصوبگ ءِ کوالٹی ءَ را گہتر کنگ ءَ اِنت۔ اے ھیالانی درشانی آئی ءَ شمبے ءِ روچ ءَ پنجاب ایگریکلچر، فوڈ اینڈ ڈرگ اتھارٹی ءِ بنگیج ءِ مراگش ءَ گشتانک دیان ءَ کت۔ اے موہ ءِ سر ءَ پنجاب ءِ سر وزیر مریم نواز ، وفاقی وزیر ءِ ھال ءُ اھوال عطا اللہ تارڑ ، وفاقی وزیر کانود اعظم نظیر تارڑ ، وفاقی ءُ صوبائی وزیر ، اسمبلی ءِ باسک ءُ اے دگہ مردم ھم ساڑی بوتگ اَنت ۔ مزن وزیر محمد شہباز شریف ءَ گوشت کہ الس ءَ را بنیاتی پجارینگ بہ بیت آسراتی پجارینگ ءِ واستہ درستیں وسیلگ آناں کارمرد کنگ بوھگ ءَ انت، ملک ءَ ھر کجا روئے پبلک سروس منصوبگ آنی سر ءَ مسلم لیگ ن ءِ مہر گندگ بیت۔ آئی ءَ گوشت کہ انچوش کہ ما ملک ءَ را بحران آنی تہ ءَ چہ کش اِت ءُ دیمروئی ءِ کشک ءَ ایر کت، ھمے رنگ ءَ ملک ءِ ھمک کنڈ ءَ سرکاری منصوبگ ایر کنگ بوھگ ءَ اَنت۔ آئی ءَ گوشت کہ پنجاب ایگریکلچر، فوڈ اینڈ ڈرگ اتھارٹی منصوبگ الس ءِ واستہ مزنیں ھزمت انت، ایشی ءِ واستہ من پنجاب ءِ سر وزیر مریم نواز ءُ آئی ءِ سرجمیں ٹیم ءَ را شگر ءُ منت پیش کناں۔ اے ماڑی کہ کھنڈراتانی عکس جوڑ بوتگ ات، مرچی نوکیں مشینری ءَ گوں لیس انت۔ آئی ءَ گوشت کہ وردن ءُ وراک، کشت ءُ کشاری مصنوعات ءُ دوائی آنی کوالٹی ءَ را گہتر کنگ ءِ واستہ ریگولیٹری ادارگ ءِ جوڑ کنگ وھد ءِ ضلورت انت۔ اے نوکیں منصوبہ ءِ ھاتر ءَ فوڈ سیکیورٹی ءُ حفظان صحت ءِ کوالٹی ءَ را گہتر کنگ ءِ ھاتر ءَ یک ھاسیں گامگیج ءِ ھاتر ءَ انت۔ جدید ٹیکنالوجی ءَ گوں لیس اے منصوبگ ءِ واستہ پنجاب ءِ سر وزیر مریم نواز ءِ کوشست ستا کرز انت ءُ من ءَ امیت انت کہ پنجاب ایگریکلچر، فوڈ اینڈ ڈرگ اتھارٹی خطہ ءِ تہ ءَ جوانیں مرکز جوڑ بہ بیت۔ ایوک ءَ پنجاب ءِ نہ اِنت بلکیں سرجمیں پاکستان ءِ ھذمت ءِ واستا جوڑ کنگ بوتگ۔ کجام ہم ملک ءِ دیمروئی ءِ واستہ میرٹ ءُ شفافیت المی انت۔ بدبھتی ءَ گوستگیں وھداں راجی وسیلہ ءِ ردیں کارمرز کنگ بوتگ، ادارہ کرپشن ءِ آماچ بوتگ انت، کرپشن ءُ میرٹ ءِ لگتمالی ءِ گنجائش نیست۔ مزن وزیر محمد شہباز شریف ءَ گوشت کہ من ءَ برنج ءِ برآمد کنگ ءِ ھوالگ ءَ شکایت رستگ، ایشی ءِ سر ءَ اے ادارگ ءِ سرجمیں کارندہ بدل کنگ بوتگ اَنت ءُ سرپلس پول ءَ دیم دیگ بوتگ اَنت ءُ مرچی آ ادارگ دیمروئی ءِ راہ ءَ اِنت۔ آئی ءَ گوشت کہ ما جرم آناں کم کنگ ءُ ناقابل تردیدیں ثبوت آنی پجاری ءِ واستہ فرانزک لیب ءِ نیٹ ایر کتگ۔ بنجاھی وزیر پنجاب مریم نواز ءَ گشتانک دیان ءَ گوشت کہ قائد محمد نواز شریف ءُ مزن وزیر محمد شہباز شریف ءِ زانتکاریں سروکی ءَ ءُ آھانی ویژن ءِ رد ءَ پنجاب دیمروئی ءُ وشھالی ءِ کشک ءِ سر ءَ انت۔ پنجاب ایگریکلچر فوڈ اینڈ ڈرگ اتھارٹی ءِ ادارگ ءِ جوڑ بوھگ ءِ سر ءَ وش آں ۔ اے منصوبہ سرکاری خدمت ءِ گواہی انت ءُ ادارہ ءِ جوڑ بوہگ ادارہ ءِ تہا ہر مردم ءِ محنت ءِ سبب انت۔ بنجاہی وزیر پنجاب ءَ گوشت کہ کشت ءُ کشاری ملک بوھگ ءِ باوجود جھان ءِ درجہ ءِ ٹیسٹنگ لیب ءِ نہ بوھگ افسوس ءِ جیڈھ ات، ایشی ءِ سبب ءَ ایکسپورٹر ءُ امپورٹر جیڈھ آنی دیم ءَ کپگ ءَ انت ءُ لاکھوں تاوان ءِ آماچ انت۔ اے 10 سال ءِ محنت ءِ آسر اِنت۔ اے آیوکیں ماہ ءَ سرجم بیت کہ دنیا ءِ رہبندانی رد ءَ جوڑ کنگ بوتگ۔ آئی ءَ گوشت کہ اے ایوک ءَ افتتاح نہ انت بلکینگ ءَ دیمروئی ءِ سفر انت۔ میرٹ ءِ سرا ہچ وڑیں سمجھوتہ نہ بیت۔ سیٹلائٹ کرائم یونٹ ءِ دائرہ کار 38ضلع آنی تہ ءَ گیش کنگ بیت۔ زالبولیں سائنسدانانی واستہ 2ارب 3ارب کلدار ءِ ھرچ ءُ درچ ءَ ھاسٹل جوڑ کنگ بیت۔ اے آئی ءِ دائرہ کار ءَ اسکولاں ھم گیش کنگ بیت۔ مجازی تھانہ ءِ جوڑ کنگ ءِ سر ءَ ھم عمل کنگ بوھگ ءَ اِنت۔ پنجاب ءَ ڈیجیٹل انقلاب ءِ بندات بوتگ۔ کاروبار ءِ آسراتی ءِ واستہ ٹھوس گامگیج چست کنگ بوتگ۔ کاروبار ءِ رجسٹریشن بندات کنگ بوتگ۔ ایشی ءَ چہ پیسر مزن وزیر محمد شہباز شریف ءُ بنجاھی وزیر مریم نواز ءَ پنجاب ءِ کشت ءُ کشاری ، فوڈ اینڈ ڈرگ اتھارٹی ءِ باقاعدہ بنگیج کت ءُ ایشی ءَ چہ پد … آزان ءَ اتھارٹی ءِ جتاجتائیں محکمہ آنی چار ءُ تپاسی کت۔ اے موہ ءِ سر ءَ پاکستان ءِ اولی پنجاب ایگریکلچر، فوڈ اینڈ ڈرگ اتھارٹی ءِ لیکھت، مول ءُ مراد ءُ مکسد آنی بابت ءَ سرپدی ویڈیو ھم پیشدارگ بوت۔