ضلع گوادر اٹی اسہ سرکاری اسکول اس ہم غیرفعال سلتنے، وزیراعلیٰ بلوچستان

کوئٹہ۔ 30 جنوری (اے پی پی) وزیراعلیٰ بلوچستان میر سرفراز بگٹی پارینے کہ صوبہ ٹی غیرفعال سرکاری اسکول آتا بحالی نا عمل اٹی پیش رفت برجاءِ و دا چرجوئی ٹی ضلع گوادر نمان سرسہبی دوئی کرینے، ہراڑے اسہ ہم سرکاری اسکول اس غیرفعال سلتنے۔ راجی رابطہ نا ویب سائٹ ایکس آ تینا کلہو اٹی وزیراعلیٰ بلوچستان میر سرفرازبگٹی گوادر صوبہ نا اولیکو ضلع جوڑ مسنے ہراڑے اسہ ہم سرکاری اسکول اس غیرفعال سلتنے۔ محکمہ تعلیم بلوچستان نا کمامدارآک نوشتہی وڑاٹ پک  کریر کہ گوادر اٹی اسہ اسکول اس ہم بند اف، ضلع گوادر اٹی غ سرکاری اسکول آک فعال ءُ، وخت اس کہ تعلقدار کمامدار آتا کنڈآن غٹ اسکول آتا فعالیت نا باقاعدہ سرٹیفکیٹ ہم جاری کننگانے۔ اوپارے کہ ضلع گوادر اٹی 313 سرکاری پرائمری، مڈل ، ہائی و ہائرسیکنڈری اسکول پورو وڑاٹ فعال ءُ۔ وزیراعلیٰ بلوچستان داسرسہبی آضلع گوادر نا انتظامیہ و محکمہ تعلیم نا آفیسر و عملہ ءِ شاباشی ترسا اوفتا خواری و کارکڑد انا ستاءِ کرے۔ اوپارے کہ بلوچستان نا الس تون قول ءِ کہ بھا ز زوت صوبہ ٹی اسہ اسکول اس ہم بند مفک و اسہ چناس ہم تعلیم آن محروم سلپک۔ وزیراعلیٰ پارے کہ رکھنی و کوہِ سلیمان ڈویژن اٹی ہم شونداری نا پوسکن آ دور بناکرینے۔ اوپارے کہ او الس نا مہرومریبت آتا وامدار ءِ  و دوام ءِ علاقہ ءِ پسماندگی آن کشسا شونداری نا کنڈ آدرسا ادا کینہ۔