وزیر دفاع خواجہ محمد آصف تون ترک سلہہ بند فوج انا چیف آف جنرل اسٹاف نا اوڑدہی

اسلام آباد۔ 30 جنوری (اے پی پی) وزیر دفاع خواجہ محمد آصف تون ترک سلہہ بند فوج انا چیف آف جنرل اسٹاف جنرل سلچوک بیرقداراوغلو جمعہ نا دے آ اوڑدہی کرے ہراٹی ہڑتوم آ فریق آک پاکستان و ترکی نا نیام اٹ متکن آ تاریخی دوستانہ تعلقداری و برادرانہ رابطہ غاتا درشانی ءِ کریر ہرا اسیجائی تاریخ، قدر و تین پہ تینی شرف آ تالان ءُ۔ ترک چیف آف ڈیفنس فورسز ڈیہہ اٹی امن و سوگوی نا مون آ دننگ اٹ پاکستان نا کڑد انا ستاءِ کرے۔ شرفمند آ مہمان اوغانستان تون اوار ڈیہہ اٹی پائیدار امن و سوگوی کن ترکی نا عزم انا درشانیءِ کرے و جھیڑہ غاتیان بچنگ، تین پہ تینی سلابت و اسیجائی  کوشست آتا کمک اٹ اجتماعی سلامتی نا مون آ دننگ آ زور شاغا ۔ وزیردفاع خاص کر مشکل وخت آتیٹی ترک سرکڑدہ و الس نا آخبتی مخ تفی و اصولی موقف آ منت واری ءِ ہرفے۔ اوڈیہہ اٹی امن و سوگوی کن رابطہ، تحمل و علاقائی شریدار آتون کمکاری نا کمک اٹ پاکستان نا موقف نا درشانی ءِ کرے۔ اوڑدہی ٹی تین پہ تینی است خواہی نا امور بشمول  دفاعی و سلامتی کمکاری نا مون آدننگ آ ہم گپ وتران کننگا۔ اوڑدہی نا ایسری پاکستان و ترکی نا نیام اٹ دفاعی شریداری ءِ پین ودفنگ نا اسیجائی عزم اتون مس ہرا سٹریٹجک ہم گرنچی و ڈیہہ اٹی دیرپا امن و سوگوی نا اسیجائی وژن نا ڈیک ءِ۔