بینک آتیا سیبو ءِ کم کننگ و انشورنس کمپنی، اثاثہ جاتی منیجرز ، پنشن فنڈز و ریٹیل زرکارآتا شمولیت ءِ ودفنگ نا گرج ءِ، بنجائی وزیر خزانہ نا ایس ای سی پی نا پوسکن آ سرکڑدہ غاتون اوڑدہی ٹی گپ وتران

اسلام آباد۔ 30 جنوری (اے پی پی) بنجائی وزیر خزانہ و محصولات سینیٹر محمد اورنگزیب فنانسنگ نا بنداوی کمک نا وڑاٹ بینک آتیا سیبو ءِ کم کننگ و انشورنس کمپنی، اثاثہ جاتی منیجرز، پنشن فنڈز و ریٹیل زرکارآتا شمولیت ءِ ودفنگ نا گرج آ زور شاغانے۔ اوداہیت ءِ جمعہ نادے آ داڑے سیکورٹیز اینڈ ایکسچینج کمیشن آف پاکستان (ایس ای سی پی) نا پوسکن آ سرکڑدہ غاتون دیوان نا کماشی ءِ کرساپارے۔ دیوان اٹی چیئرمین ایس ای سی پی کبیر احمد سدھو و کمشنر علی فرید خواجہ ئسک شریک ئسر۔ وزیرخزانہ نا مرکزی ٹیم ہراٹی وام   نظم و نسق، کیپٹل مارکیٹ نا شونداری و ریگولیٹری رابطہ کاری نا چاروکی ءِ کروک آ سینئر آفیسر آک اوار ئسر، ہم دیوان اٹی ساڑی ئسر۔ ایس ای سی پی نا پوسکن آ سرکڑدہ غاتے بخیرکرسا وزیرخزانہ داپت انا درشانی ءِکرے کہ اوفتا گیشتر ملکی و جہانی مارکیٹ نا آزموندہ پاکستان نا ریگولیٹری فریم ورک ءِ سوگو کننگ و کیپٹل مارکیٹ آتے ودفنگ، سرکاری و نجی بشخ آتیکن مالی وسیلہ غاتا ذریعہ ءِ متنوع جوڑ کننگ و گچین ضابطہ کاری ، پوسکن انفراسٹرکچر و سوگو پالیسی گام گیج آتا کمک اٹ زرکارآتا پت اٹی ودکی کننگ ئس۔ وزیرخزانہ کیپٹل مارکیٹس ڈویلپمنٹ کونسل ءِ مون آتخا ہرانا گڈیکو شرائط کار طے کننگانے۔ اوپارے کہ اونا مسخت ادارہ جاتی دنگ اسکان وڑوڈول آن پیش تمسا اسہ افقی، مچ آنظام آ تالان مارکیٹ ڈویلپمنٹ ایجنڈانا کنڈآ پیش رفت ءِ۔ وزیرخزانہ پارے کہ اونا ہدف چندی مارکیٹ ادارہ غاتیٹی مہالو آن دوئی مروک پیش رفت آن فائدہ ہرفنگ و داخلا نا پیدواری و توننگ ءِ ہرافتے کن ریگولیٹری اصلاحات، کانود سازی نا کمکاری و ادارہ جاتی رابطہ کار درکار ءِ۔ دیوان اٹی پاکستان نا وام جاتی کیپٹل مارکیٹ آتا شونداری اہم سرحال ئس۔ وزیرخزانہ داہیت آ زور شاغا کہ فنانسنگ نا بنداوی کمک نا وڑاٹ بینک آتیا سیبو ءِ کم کننگے و انشورنس کمپنی، اثاثہ جاتی منیجرز ، پنشن فنڈز و ریٹیل زرکارآتا شمولیت ءِ ودفنگے ہرا گچین میرات و واجبات آتا نظم و نسق نا اصول آتون ہم گرنچ مرے۔ فنانس ڈویژن ہندی وام جاتی نظم و نسق ءِ سوگو کننگ کن برجا گام گیج آتیا حوال تس ہرافتے ٹی فرنٹ، مڈل و بیک آفس نا افعال اٹی گچینی و لائیبیلٹی مینجمنٹ آپریشن اوار ءِ۔ داہم پاننگاکہ بروک آ ریسہ ٹی مارکیٹ نا گہرائی و کارکڑد ءِ ودفنگ کن ایس ای سی پی تون خڑکی کمکاری المی مریک۔ بشخ ہلوک آک مارکیٹ اٹی اڑاندو ثالثی خڑچ اٹی کمتی ءِ اہم اولیت گوندا۔ داہیت انا پیدواری ءِ کننگا کہ جاری کننگ آن ہلیس زرکاری اسکان نا عمل اٹی چندی نیامی ریسہ خڑچ و تاخیر اٹی ودکی کیرہ ہراڑآن وام جاتی کیپٹل مارکیٹ آتا  موثریت محدود مریک ۔ دیوان اٹی داہیت آ امنا کننگا کہ مارکیٹ نا پنجر ءِ سادہ جوڑ کننگ، جاری کننگ نا وڑوڈول ءِ گچین کننگ و ثانوی مارکیٹ نا افعال ءِ سوگو کننگ و وام ہلوک و زرکارآتا نیام اٹ گچین رابطہ وپائیدار مارکیٹ شونداری کن المی ءِ۔ زرکارآتا آن بورڈنگ و مارکیٹ اسکان رسینگ ءِ لیکویڈٹی و شمولیت کن اہم عوامل نا وڑاٹ شرہ ٹی اتنگا۔ دیوان اٹی ترند رفتار، حقی وڑتیٹی ڈیجیٹل اکاؤنٹ ملنگ نا عمل، رسک آ تالان کے وائی سی و مالیاتی ادارہ غاتا نیام اٹ صارف نارضامندی اٹ کے وائی سی نا گدریفنگ نا گرج انا جاچ ءِ ہلنگا۔ ریٹیل زرکارآتیکن مارکیٹ اٹی پترینگ انگ ءِ آسان جوڑ کننگ اسہ اہم ءُ اولیت اس گوندنگا۔ ایس ای سی پی نا سرکڑدہ غاک نان بینک فنانشل کمپنی، ایس ایم ای فنانسنگ و انشورنس نا بابت ریگولیٹری فریم ورکس آ تینا بنائی مشاہدات آتیا معلومدار کریر و دا فریم ورک آتے اول سرآن ہُننگ و سوگو کننگ نا گرج آ زور شاغار کہ محتاط چاروکی ءِ برقرار تخسا فنانس اسکان رسینگ ءِ مون آدننگ مرے۔ گپ وتران اٹی کاروباری سرجزآتے آسراتی فراوان کننگ، بے گرج وڑوڈول نا تاخیر ءِ کم کننگ و ڈیجیٹل ذریعہ نا کمک اٹ تعمیل ءِ مون آ دروک آ ریگولیٹری وڑآ زور شاغنگا۔