اسپیکر قومی اسمبلی ایاز صادق نا بلوچستان اٹی فتنۃ الہندوستان نا 41 دہشت گرد آتے خلنگ آ سیکورٹی فورس آتے خراج تحسین

اسلام آباد۔ 30 جنوری (اے پی پی) اسپیکر قومی اسمبلی سردار ایاز صادق بلوچستان اٹی فتنۃ الہندوستان نا برخلاف گچین کارروائی تیٹی 41 دہشت گرد آتے جہنمی کننگ آ سیکورٹی فورس آتے خراج تحسین پیش کرینے۔ جمعہ نادے آ تینا اسہ بیان اسے ٹی اوسیکورٹی فورس آتا عزم و کسبی مہارت نا ستاءِ کرسا پارے کہ دہشت گردی نا برخلاف سرسہب آپریشن قوم انا رکھ و ملکی سلامتی نا عزم انا ڈیک ءِ، ہرنائی و پنجگور اٹی انٹیلی جنس بیسڈ آپریشن ستاکڑزک، بھارتی سرپرستی ٹی سرگرم دہشت گرد آتا برخلاف پبی کارروائی ستاکڑزک۔ اوپارے کہ دہشت گردی نا ناسور نا چٹفنگ کن قوم تینا سیکورٹی فورس آتون ہم کوپہ سلوک ءِ۔ آخیریکو دہشت گرد نا چٹفنگ اسکان قومی ایکشن پلان و وژن’’عزم استحکام‘‘ نا رداٹ دہشت گرد آتا برخلاف کارروائی برجاسلک۔ا سپیکر قومی اسمبلی پارے کہ پاکستان نا وتواجہی و امن ءِ نسخان تروک آ شرپسند زموار آتون سختی اٹ مون تننگک، قوم ءِ تینا بہادر و کانود نافذ کروک آ ادارہ غاتیا گمر ءِ۔