ڈپٹی چیئرمین سینیٹ نا بلوچستان اٹی سرسہب سیکورٹی کارروائی تیا فورس آتے خراج تحسین

اسلام آباد۔ 30 جنوری (اے پی پی) ڈپٹی چیئرمین سینیٹ سیدال خان ناصر بلوچستان نا علاقہ پنجگور و ہرنائی ٹی سیکورٹی فورس آتا سرسہب کارروائی تیا پاک فوج و ایلو سیکورٹی ادارہ غاتے زبردست خراج تحسین پیش کرینے۔ سینیٹ سیکرٹریٹ نا کنڈآن بیان اٹی اوپارے کہ قوم انا ورناک ننا غٹ آن نہادی میرات ءُ ہرا وطن نا دفاع و رکھ اکن تینا جان تا نذرانہ پیش کننگ آن ہم دریغ کپسہ، سیکورٹی فورس آک دہشت گرد آتے گچین وڑاٹ بے سہب کرسا قوم انا کاٹم ءِ گمر اٹ بڑزکرینو و مچ آ قوم ءِ تینا بہادر ورناتیا گمر ءِ۔ ڈپٹی چیئرمین سینیٹ پارے کہ سیکورٹی فورس آتا وخت آ و گچین کارروائی تیٹی 41 دہشت گرد آتا خلنگ داہیت انا پیدوار شاہدی ءِ کہ ننا سلہہ بند فوج و سیکورٹی ادارہ غاک دشمن و دہشت گرد آتے پبی ورندی تننگ کن ہروخت تیار ءُ۔ اوفورس آتا ورناتا جیرت ، کسبی مہارت وبےمٹ قربانی تا ستاءِ کرسا پارے کہ مچ آ قوم تینا بہادر فوج اتون ہم کوپہ سلوک ءُ۔ سیدال خان ناصر داعزم انا درشانی ءِ کرے کہ ملک انامن، سلامتی و سوگوی آ ہچ ءُ سمجھوتہ اس کننگپک۔ اوپارے کہ دہشت گردی نا برخلاف جنگ اٹی سیکورٹی فورس آتا قربانی ناقابل فراموش ءِ، و ہندا قربانی تا سوب ملک اٹی امن نا کوشست آک سرسہبی اٹ مون آ ہِننگ ءُ۔