فتنۃ الخوارج و فتنۃ الہندوستان کون آ دہشت گرد آتا برخلاف گچین کارروائی ریاست نا بدل مفروک عزم انا ڈیک ءِ، صدر آصف علی زرداری

اسلام آباد۔ 30 جنوری (اے پی پی) صدرِ مملکت آصف علی زرداری بلوچستان اٹی اِرا جتا کارروائی و بنوں ٹی پیشن نا کاٹم خواجہی ٹی لگوک دہشت گرد آتا برخلاف سرسہب آپریشن تیا سیکورٹی فورس آتے خراج تحسین پیش کرسا پارینے کہ فتنۃ الخوارج و فتنۃ الہندوستان کون آ دہشت گرد آتا برخلاف گچین کارروائی ریاست نا بدل مفروک عزم انا ڈیک ءِ۔ جمعہ نادے آ ایوان صدر نا میڈیا وِنگ انا رداٹ صدر مملکت پارے کہ دہشت گردی نا برخلاف ’’عزم استحکام‘‘ نا رداٹ برجاکارروائی پاکستان اٹی امن و سوگوی ءِ پک کننگ اسکان برجاسلک۔ اوملک اٹی پراکسی دہشت گردی نا پورو چٹفنگ کن سیکورٹی فورس و کانود نافذ کروک آ ادارہ غاتا مستعدی سفت نا قابل ءِ۔