صدر مملکت آصف علی زرداری نا پاکستان و آسٹریلیا نا نیام اٹ ٹی ٹوئنٹی سیریز نا اولیکو میچ اٹی قومی ٹیم انا سرسہبی آ خوشی نا درشان

اسلام آباد۔ 30جون (اے پی پی) صدرمملکت آصف علی زرداری پاکستان و آسٹریلیا نا نیام اٹ ٹی ٹوئنٹی سیریز نا اولیکو میچ اٹی قومی ٹیم انا سرسہبی آ خوشی نا درشانی ءِ کرساپارینے کہ قومی کرکٹ ٹیم انا گمر نا قابل سرسہبی گوازی نا پڑاٹی پاکستان نا مثبت دروشم ءِ تالان کرے۔ جمعہ نادے آ ایوانِ صدرنا میڈیا ونگ آن جاری بیان نا رداٹ صدرِ مملکت پارے کہ گوازی گر آتا منظم حکمتِ عملی ، بڑزکو نظم و ضبط و ٹیم ورک میدان اٹی پاکستان نا وقار ءِ بڑزکرے۔ اوقومی کرکٹ ٹیم اکن بروک آمیچ آتیٹی پین سرسہبی کن نیک است خواہی نا درشانی ءِ کرے۔ صدر مملکت پارے کہ قومی ٹیم انا گچین کارکڑد آ پاکستان کرکٹ بورڈ خاص کر چیئرمین محسن نونقوی مبارکباد نا حقدار ءِ۔