صدر مملکت آصف علی زرداری متحدہ عرب امارات نا چاردے ئی سرکاری دورہ ءِ پورو کرسا وطن آ پدی سرمس

اسلام آباد۔ 29 جنوری (اے پی پی) صدر مملکت آصف علی زرداری متحدہ عر ب امارات نا چاردے ئی سرکاری دورہ ءِ پورو کرسا وطن آ پدی سرمس۔ پنچ شنبے نادے آ ایوانِ صدر نا پریس ونگ آن جاری بیان نارداٹ تینا دورہ ٹی صدر مملکت متحدہ عرب امارات نا صدر شیخ محمد بن زاید النہیان و وزیراعظم شیخ محمد بن راشد المکتوم تون اوار اہم اوڑدہی کرے۔ دا اوڑدہی تیٹی ایلو امور تون اوار اوار ہڑتوم آ کنڈآتا تعلقداری و اقتصادی شریداری آ گپ وتران کننگا۔ دفاع ، سیکورٹی و السی رابطہ غاتا بشخ آتیٹی پیش رفت آ ہم گپ وتران مس۔ صدر مملکت تینا دورہ ٹی ڈی پی ورلڈ انا گروپ چیئرمین و چیف ایگزیکٹیو آفیسر سلطان احمد بن سلیم و اے ڈی پورٹس گروپ نا منیجنگ ڈائریکٹر و گروپ چیف ایگزیکٹیو آفیسر کیپٹن محمد جمعہ الشامسی تون ہم اوڑدہی کرے۔ صدر مملکت متحدہ عرب امارات نا وزیر رواداری و بقائے باہمی شیخ نہیان بن مبارک النہیان تون ہم اوڑدہی کرے۔