اسلام آباد ۔ 29 جنوری (اے پی پی): صدر آصف علی زرداری ءَ امارات ءِ چارروچ ءِ سرکاری تر ءُ تاب ءِ سرجم کنگ ءَ پد وتی ملک ءَ شتگ۔ پنچ شمبے ءِ روچ ءَ صدارت ءِ میڈیا ونگ ءِ رد ءَ صدر ءِ مملکت ءَ را دبئی ءِ بالی پٹ ءَ امارات ءِ وزیر مملکت عبدالرحمن بن محمد الویس، امارات ءَ پاکستان ءِ سفیر، پاکستان ءَ امارات ءِ سفیر …
صدر آصف علی زرداری امارات ءِ چارروچ ءِ سرکاری تر ءُ تاب ءِ سرجم کنگ ءَ پد وطن ءَ روادگ
گیشتریں ھال
اسلام آباد ۔ 29 جنوری (اے پی پی): صدر آصف علی زرداری ءَ امارات ءِ چارروچ ءِ سرکاری تر ءُ تاب ءِ سرجم کنگ ءَ پد وتی ملک ءَ شتگ۔ پنچ شمبے ءِ روچ ءَ صدارت ءِ میڈیا ونگ ءِ رد ءَ صدر ءِ مملکت ءَ را دبئی ءِ بالی پٹ ءَ امارات ءِ وزیر مملکت عبدالرحمن بن محمد الویس، امارات ءَ پاکستان ءِ سفیر، پاکستان ءَ امارات ءِ سفیر ءُُ دبئی ءَ پاکستان ءِ قونصل جنرل ءَ یلہ داتگ۔ وتی تر ءُُ تاب ءِ ساھت ءَ صدر ءِ مملکت ءَ امارات ءِ صدر شیخ محمد بن زاید النہیان ءُُ مزن وزیر شیخ محمد بن راشد ال مکتوم ءِ گوما ھاسیں گند ءُُ نند کت۔ اے گند ءُُ نند آنی تہ ءَ دو نیمگی سیادی ءُُ اقتصادی شراکت داری ءِ سر ءَ گپ ءُ تران کنگ بوت۔ دفاع، سیکورٹی ءُ تعلقات عامہ ءِ شوبگ ءَ پیشرفت ءِ بابت ءَ ھم گپ ءُ تران کنگ بوت۔
