مچ آملک اٹی 7 دے ئی پولیوتور مہم 2 فروری آن بناکیک، فوکل پرسن پولیو تور عائشہ رضافاروق

اسلام آباد۔ 29 جنوری (اے پی پی) وزیراعظم نا فوکل پرسن پولیو تور عائشہ رضافاروق پارینے کہ مچ آملک اٹی 7 دے ئی پولیو تور مہم 2 فروری آن بناکیک ہرا 8 فروری اسکان برجاسلک۔ مہم اٹی 4 کروڑ 50 لکھ آن زیات چناتے پولیو آن بچفنگ نا پڑی کنفنگ نا ہدف مقرر کننگانے۔ داخیال آتا درشانیءِ او پریس حوال اٹی کرے۔ عائشہ رضافاروق پارے کہ مہم اٹی 4 لکھ آن زیات پولیو ورکرز ہراُراغاہنسا چناتے پولیو آن بچفنگ نا پُڑی کنفرہ۔ اولمہ و باوہ و کمیونٹی آن خواست کرے کہ او ہر مہ اٹی پولیو ٹیم آتون پورو کمک کیر و تینا چناتے پولیو آن بچفنگ نا پڑی ضرور کنفر۔ اوپارے کہ بنجائی و صوبائی ادارہ غاک پولیو نا پورو چٹفنگ کن اواری اٹ کاریم کننگ ءُ و حکومت پاکستان پولیو نا چٹفنگ کن سنبرینگوک ءِ۔ اوپارے کہ پولیو نا چٹفنگ اٹ السی کمکاری اہم حیثیت تخک وخت اس کہ عالم دین و میڈیا پولیو نا بابت آگاہی ٹی گچین کڑد اداکیر ۔ عائشہ رضافاروق پارے کہ 2025 اٹی پولیو کیس آتیٹی کمتی واقع مس و 31 کیس رپورٹ مس وخت اس کہ گڈیکو ہدف زیروپولیو کیس آتا دوئی ءِ۔ اوپیدوار کرے کہ پولیو ویکسین آن مرک آتا ہچ ءُ کیس اس رپورٹ متنے ولے پولیو نا خطرہ پدریسہ ساڑی ءِ۔