دبئی۔ 28 جنوری (اے پی پی) صدر مملکت آصف علی زرداری متحدہ عرب امارات نا نائب صدر، وزیراعظم و دبئی نا حکمران شیخ محمد بن راشد المکتوم تون زعبیل پیلس اٹی اوڑدہی کرے، اوڑدہی ٹی ہڑتوم آ کنڈآتا تعلقداری تے پین سوگو کننگ و اقتصادی کمکاری نا مون آ دننگ آ سرجمی اٹ گپ وتران وخت اس کہ پاکستان ومتحدہ عرب امارات نا نیام اٹ واپار، زرکاری و اقتصادی …
صدر مملکت آصف علی زرداری نا دبئی نا حکمران شیخ محمد بن راشد المکتوم تون اوڑدہی
گیشتریں ھال
دبئی۔ 28 جنوری (اے پی پی) صدر مملکت آصف علی زرداری متحدہ عرب امارات نا نائب صدر، وزیراعظم و دبئی نا حکمران شیخ محمد بن راشد المکتوم تون زعبیل پیلس اٹی اوڑدہی کرے، اوڑدہی ٹی ہڑتوم آ کنڈآتا تعلقداری تے پین سوگو کننگ و اقتصادی کمکاری نا مون آ دننگ آ سرجمی اٹ گپ وتران وخت اس کہ پاکستان ومتحدہ عرب امارات نا نیام اٹ واپار، زرکاری و اقتصادی رابطہ غاتے ودفنگ نا گمان تاجاچ ءِ ہلنگا۔ چارشنبے نادے آ ایوان صدر نا پریس ونگ آن جاری بیان نا رداٹ صدر مملکت آصف علی زرداری شیخ محمد بن راشد المکتوم ءِ دبئی نا حکمران نا وڑاٹ اِرا دہائی تا سرسہب سرکڑدہ ئی ءِپورو کننگ آمبارکبادی تس و دبئی نا سیل و سوات ، مالیات و پوسکن آ ٹیکنالوجی نا جہانی بشخ آتیٹی نمان شونداری نا ستاءِ کرے۔ فریق آک دبئی نا شونداری ماڈل آن فائدہ ہرفنگ آہم گپ وتران کریر، خاص کر بندرگاہ، لاجسٹک ، بنداوی پنجر ، انفارمیشن ٹیکنالوجی و ڈیجیٹل مالیاتی خذمت آتا بشخ آتیٹی کمکاری نا مون آ دننگ آ زور شاغنگا۔ صدر مملکت آصف علی زرداری پاکستان اٹی برجا اقتصادی اصلاحات، زرکاری ٹی کمکاری و نجکاری نا گام گیج آتے تالان کرسا متحدہ عرب امارات تون بنداوی پنجر نا شونداری، لاجسٹک ، غذائی رکھ و ٹیکنالوجی آ تالان بشخ آتیٹی شریداری ءِ ودفنگ نا گرج آ زور شاغا۔ اوشیخ محمد بن راشد المکتوم ءِ پاکستان نا دورہ ءِ کننگ نا سلہ ہم خلک۔ ہڑتوم آ راہشونک پاک۔ یواے ای برادرانہ تعلقداری تے پین سوگو کننگ نا عزم انا درشانی ءِ کریر و ہڑتوم آ کنڈآتا رابطہ غاتا مثبت پیش رفت آ است جمی نا درشانی ءِ کریر۔ داوخت آ بڑزکو کہولی رابطہ غاتا اہمیت ءِ تالان کرسا صدر یواے ای شیخ محمد بن زاید النہیان نا ساڑی آ دورہ پاکستان نا ذکر ءِ ہم کننگا۔ اوپاکستان نا اقتصادی شونداری ٹی متحدہ عرب امارات نا پدریسہ مخ تفی نا ستاءِ کرے و یواے ای ٹی رہینگوک آ پاکستانی برادری نا کڑد ءِ السی رابطہ غاتا مون آ دننگ اٹ اہم گوندا۔ خاتون اول بی بی آصفہ بھٹو زرداری، چیئرمین پاکستان پیپلزپارٹی بلاول بھٹو زرداری، بنجائی وزیر داخلہ و انسداد منشیات سید محسن نقوی و متحدہ عرب امارات اٹی پاکستان نا سفیر ئسک ہم داوخت آ ساڑی ئسر۔
