بنجائی وزیر امیر مقام ناکماشی ٹی دیوان، آزاد کشمیر اٹی جوائنٹ عوامی ایکشن کمیٹی تون معاہدہ غا عملدرآمد نا جاچ ءِ ہلنگا

اسلا م آباد۔ 29 جنوری (اے پی پی) بنجائی وزیر امورِ کشمیر، گلگت بلتستان و سیفران انجینئر امیر مقام نا کماشی ٹی دیوان اٹی آزاد کشمیر اٹی جوائنٹ عوامی ایکشن کمیٹی تون طے مروک آمعاہدہ غا عملدرآمد ناجاچ ءِ ہلنگا۔ پنچ شنبے نادے آ جاری بیان نا رداٹ بنجائی وزیر انجینئر امیر مقام داتم اسکان مروک آ پیش رفت آ است جمی نا درشانی ءِ کرے و غٹ تعلقدار محکمہ غاتے پارت کرے کہ عملدرآمد نا کاریم اٹی پین ترندی اتنگے۔ اوپارے کہ آزاد کشمیر و زیراعظم نا اولیت ءِ و الس ءِ ریلیف فراوان کننگ بنجائی و آزاد کشمیر حکومت آتا اسیجائی زمواری ءِ۔ انجینئر امیر مقام باوری کرفے کہ وزیراعظم نا پارت آتے مون آتخسا جوائنٹ عوامی ایکشن کمیٹی تون کروک آ معاہدہ غا پورو و گچین عملدرآمد ءِ پک کننگک۔ وزیراعظم نا کوآرڈینیٹر امورِ کشمیر ، گلگت بلتستان و سیفران شبیر احمد عثمانی، سیکرٹری امورِ کشمیر، گلگت بلتستان و سیفران ظفر حسن، چیف سیکرٹری آزاد کشمیر خوشحال خان و ایڈیشنل سیکرٹری کامران رحمان خان ہم دیوان اٹی شریک ئسر۔ دیوان اٹی وزارت امور کشمیر، گلگت بلتستان و سیفران، آزاد کشمیر حکومت نا سینئر کمامدار و سول ایوی ایشن ، قومی جان جوڑی نا خذمت، پلاننگ کمیشن، مواصلات، نیشنل ہائی وے اتھارٹی (این ایچ اے) ، پاکستان ٹیلی کمیونیکیشن اتھارٹی (پی ٹی اے)، پاور ڈویژن، آبی وسیلہ و بنجائی تعلیم نا نمائندہ غاک بشخ ہلکر۔