بانی پی ٹی آئی نا پمز ہسپتال اٹی خن تا طبی معائنہ ءِ کننگا، بانی پی ٹی آئی اسُل سہی و جا ن جوڑ ءِ، عطاء اللہ تارڑ

اسلام آباد۔ 29 جنوری (اے پی پی) بنجائی وزیر حوالکاری و شینکاری عطاء اللہ تارڑ پارینے کہ طبی چاہندار آتا سلاہ غا بانی پی ٹی آئی نا پمز ہسپتال اٹی خن تا طبی معائنہ مس، بانی پی ٹی آئی اسُل سہی ءِ، غٹ بندی تے جان جوڑی نا آسراتی دوئی ءِ۔ پنچ شنبے نادے آ داڑے میڈیا تون گپ وتران کرسا بنجائی وزیر حوالکاری پارے کہ خن تا طبی چاہندار آک اڈیالہ زندان اٹی بانی پی ٹی آئی نا خن تا معائنہ ءِ کریسر اوکان پد او سلاہ کریر کہ معمولی طبی کارروائی کن اودے پمز آ دننگ المی ءِ۔ او پارے کہ خن تا طبی چاہندار آتا سفارش آ تدوک آ ہفتہ نا نن اودے پمز ہسپتال آ دننگا ہراڑے اونا خن تا معائنہ مس، بانی پی ٹی آئی نا نوشتہی رضامندی آن پد کم و ود 20 منٹ انا طبی کارروائی مس اوکان پد اودے المی پارت آتون پدی اڈیالہ زندان آدننگا۔ اوپارے کہ طبی کارروائی ٹی بانی پی ٹی آئی اسٹیبل و اسُل دراخ جوڑ ئس۔ اوپارے کہ غٹ بندی تے طبی آسراتی اسکان رسنگ دوئی مریک، دا رولز انا رداٹ ءِ۔ اسہ سوج اسے نا ورندی ٹی اوپارے کہ طبی کارروئی ٹی بانی پی ٹی آئی اسُل جان جوڑئس۔ طبی چاہندار آتا سلاہ ئس کہ اودے معمولی طبی کارروائی کن پمز آ دننگ المی ءِ و بانی نا رضامندی آن پد بیست منٹ اٹی طبی کارروائی ءِ پورو کرسا اودے پدی دننگا۔