پاکستان وچین نا نیام اٹ ہڑتوم آ کنڈآتا واپار نا کچ اٹی ششماہی ٹی ودکی، چین ءِ پاکستان نا درآمدات آتیٹی سالانہ بنداوتیا 6 درسد نا کمتی، درآمد آتیٹی 25.60 درسد ودکی

اسلام آباد۔ 29 جنوری (اے پی پی) پاکستان و چین نا نیام اٹ ہڑتوم آ کنڈآتا واپار نا کچ اٹی برجامالی سال انا اولیکو ششماہی ٹی ودکی ریکارڈ کننگانے ، مالی سال انا اولیکو ششماہی ٹی چین ءِ پاکستان نا درآمد آتیٹی سالانہ بنداو تیا 6 درسد نا کمتی وخت اس چین آن درآمدات آتیٹی 25.60درسد ودکی مسنے۔ اسٹیٹ بینک انا کنڈآن جاری حساب وکتاب نا رداٹ مالی سال انا اولیکو ششماہی ٹی چین ءِ برآمدات آن ملک ءِ 1.216 ارب ڈالر زرمبادلہ دوئی مس ہرا تدوک آ مالی سال انا ہندا مد اٹی مقابلہ ٹی 6 درسد کم ءِ، تدوک آ مالی سال انا ہندا مد اٹی چین ءِ برآمدات آن ملک ءِ 1.288 ارب ڈالر زرمبادلہ دوئی مسوسس، دسمبر اٹی چین ءِ پاکستان نا برآمد آتا کچ 233.092 ملین ڈلر ریکارڈ کننگا ہرنومبر اٹی 194.20ملین ڈالر و دسمبر2025اٹی 233.49ملین ڈالر ئس، مالی سال 2025 اٹی چین ءِ برآمدات آن ملک ءِ 2.477 ارب ڈالر زرمبادلہ دوئی مسوسس، حساب وکتا ب نا رداٹ مالی سال انا اولیکو ششماہی ٹی چین آن درآمدات آتا کچ 9.477 ارب ڈالر ریکارڈ کننگا ہرا تدوک آ مالی سال انا ہند امد انا مقابلہ ٹی 25.60 درسد زیات ءِ، تدوک آمالی سال انا اولیکو ششماہی ٹی چین آن درآمدات آتیا 7.541 ارب ڈالر زرمبادلہ خڑچ مسوسس۔ دسمبر اٹی چین آن درآمدات آتا کچ 1.758 ارب ڈالرریکارڈ کننگا ہرا نومبر اٹی 1.324ارب ڈالر و دسمبر 2024 اٹی 1.265 ارب ڈالر ئس، مالی سال 2025 اٹی چین آن درآمدات آتیا 16.312ارب ڈالر زرمبادلہ خڑچ مسوسس۔