بنجائی وزیر بحری امور جنید انوار چوہدری تون روانڈا نا ہائی کمشنر ہریر یمانا فاتو نااوڑدہی

اسلام آباد۔ 29 جنوری (اے پی پی) بنجائی وزیر بحری امور جنید انوار چوہدری پارینے کہ دے ٹکی افریقہ نا 50 کروڑ صارف آتیا تالان مارکیٹ اسکان رسینگ ننا ہدف ءِ، پوسکن آ سمندری راہداری تیان واپاری خڑچ اٹی 30 درسد اسکان کمتی گمان ءِ۔ داخیال آتا درشانی ءِ او پنچ شنبے نادے آ روانڈانا ہائی کمشنر ہریر یمانافاتو تون اوڑدہی ٹی کرے۔ اوڑدہی ٹی پاکستان ، روانڈا و دے ٹکی افریقہ اسکان براہ راست سمندری راہداری آ گپ وتران وخت اس کہ کراچی آن جبوتی و ممباسااسکان پوسکن شپنگ لائنز بناکننگ نا سلاہ ہم تننگا۔ بنجائی وزیرپارے کہ دے ٹکی افریقہ نا 50 کروڑ صارف آتیا تالان مارکیٹ اسکان رسینگ ننا ہدف ءِ، پوسکن آ سمندری راہداری تیان واپاری خڑچ اٹی 30 درسد اسکان کمتی اومیت ءِ۔ اوپارے کہ کراچی۔ جبوتی روٹ آن ترسیل نا وخت اٹی نمان کمتی بریک۔ جنید انوار چوہدری پارے کہ گوادر ءِ افریقہ کن آخبت نا اہم برآمدی مرکز جوڑ کننگ انگ ءِ، پاکستانی ٹیکسٹائل و دوائی تیکن افریقی منڈی ٹی پوسکن وارخواہی ودی مریک۔ اوپارے کہ کراچی۔ ممباسا روٹ آن علاقائی انضمام پین سوگو مریک، گچین بحری رابطہ غان پاکستانی برآمدات جہانی منڈی ٹی زیات مسابقتی مریک۔ بنجائی وزیرپارے کہ پوسکن آ سمندری کسر بحرہند اٹی پاکستان نا بحری کڑد ءِ ودفک۔ اوڑدہی ٹی روانڈا نا ہائی کمشنر پارے کہ روانڈا نا چاہ، کافی و ایووکاڈو نا پاکستان اسکان رسینگ آسان مریک و براہ راست سمندری رابطہ غاتیان ہڑتوم آکنڈآتا واپار ءِ مون آدننگ ملک۔