پاکستان نا سلہہ بند فوج پوسکن انگا حربی لائخی و کثیر جہتی جنگ انا چیلنج آتون مون تننگ کن ترندی اٹ ارتقائی ریسہ غاتے طے کننگ اٹی ءِ، فیلڈ مارشل عاصم منیر

راولپنڈی۔ 29 جنوری (اے پی پی) چیف آف ڈیفنس فورسز و آرمی چیف، فیلڈ مارشل عاصم منیر پارینے کہ آخبت نا میدانِ جنگ اٹی ٹیکنالوجی آ تالان حکمت عملی جسمانی نقل و حرکت نا جاگہ ءِ ہلیک، ہرانا رداٹ پاکستان نا سلہہ بند فوج پوسکن انگا حربی لائخی و کثیر جہتی جنگ انا چیلنج آتون مون تننگ کن ترندی اٹ ارتقائی ریسہ غاتے طے کننگ اٹی ءِ۔ داخیال آتا درشانی ءِ او بہاولپور و کثیر جہتی جنگ انا چیلنج آتون مون تننگ کن ترندی اٹ ارتقائی ریسہ غاتے طے کننگ ءِ۔ داخیال آتا درشانیءِ او بہاولپور گیریژن نا دورہ و خیرپور ٹامیوالی ٹی بڑزکو کہول انا فیلڈ مشق آتا مشاہدہ ءِ کننگ نا وخت آ ورناتیان تران کرسا کرے۔ آئی ایس پی آر نا رداٹ داوخت آ فیلڈ مارشل عاصم منیر ءِ کور انا چندی آپریشنل، ہیلکاری و انتظامی پلو، خاص کر کثیر جہتی جنگ انا تیاری تیا سرجمی اٹ حوال تننگا۔ آرمی چیف خیرپور ٹامیوالی ٹی بڑزکو کہول انا فیلڈ مشق ’’استقامتِ عزم‘‘ انا مشاہدہ ءِ کرے۔ دامشق آتیٹی ڈرون، پوسکن انگا چاروکی نا ازباب، الیکٹرانک وار فیئر نا میرات و کمانڈ اینڈ کنٹرول نا پوسکن آ میکانزم کون آ پوسکن آٹیکنالوجی تا انضمام نا درشانی ءِ کننگا ، ہراکہ سلہہ بند فوج انا ٹیکنالوجی آ تالان کثیر جہتی آپریشن تیا چکارنا عکاسی ءِ کیک۔ فوجی ورناتیان تران کرسا آرمی چیف اوفتا بڑزکو حوصلہ، کسبی مہارت و آپریشنل تیاری تا ستاءِ کرے۔ اوداعزم انا درشانی ءِ کرے کہ پاکستان نا سلہہ بند فوج وطن عزیز نا وتواجہی و علاقائی سالمیت نا دفاع کن ہروڑنا خطرہ غاتا برخلاف پورو وڑاٹ تیار ءِ۔ اوآخبت نا میدانِ جنگ انا خواست و سیکورٹی چیلنج آتون مون تننگ کن ہروخت تیار سلنگ نا گرج آ زور شاغا۔ فیلڈ مارشل عاصم منیر داہیت ءِ مون آتخا کہ پاکستان نا سلہہ بند فوج چندی بشخ آتیٹی بھلو بدلی اسے نا عمل آن گدرینگ انگ ءِ۔ جنگ انا نوعیت اٹی بھلو کچ اسے آ بدلی بسنے، ہراڑے ٹیکنالوجی نا شونداری ارتقانا سوب جوڑ مننگ ءِ و ہر کہول آ ذہنی بدلی نا خواست کیک۔ آخبت اٹی، ٹیکنالوجی آ تالان حکمت عملی جسمانی نقل وحرکت نا جاگہ ءِ ہلیک و جارحانہ و دفاعی کارروائی تا وڑ ءِ بنداوی وڑاٹ بدل کیک۔ ہنداسوب آن، پاکستان نا سلہہ بند فوج ترندی اٹ ٹیکنالوجی ءِ تینا کننگ ءِ۔ داعمل اٹی جدت، ہندی وڑاٹ تیاری و حالیت آتا رداٹ مننگ بنداوی اہمیت تخوک مریک۔ داکان مست، آرمی چیف ’’روہی ای۔اسکلز لرننگ ہب‘(STP)نا بناءِ کرے ، ہرانا مسخت مچ آملک، خاص کر سویلی پنجاب نا طالب علم آتیکن ڈیجیٹل مہارت و ہیل کننگ نا وارخواہی فراوان کننگ ءِ۔ اواے پی ایس عباسیہ کیمپس نا ہم بناءِ کرے، ہرا آب اٹ تعلیم و کڑد سازی نا بابت پاک فوج انا عزم انا شاہدی ءِ۔ اوکان پد، آرمی چیف ای ایم ای ریجنل ورکشاپ نا دورہ ءِ کرے، ہراڑے اودے پوسکن آ ٹیکنالوجی، ہندی مہارت و ایلو جنگی کمکی گام گیج آتا کمک اٹ پوسکن پیٹ فارم تا خیالداری و اوفتے فعال تخنگ نا نظام نا بارواٹی حوال تننگا۔ بہاولپور گیریژن آ بننگ آ کور کمانڈر بہاولپور آرمی چیف ءِ بخیرکرے۔ شہید آتا یات گار آ پھل آتا چادراس شاغا و شہید آتا عظیم قربانی تے خراج عقیدت پیش کننگ کن دعاپاتیاکرے۔