پنی آ صحافی اعجاز مہر انا لمہ نا کزیت آ ہڑزخواہی ریفرنس اس اڈتننگا

اسلام آباد۔ 28جنوری (اے پی پی) پنی آ صحافی اعجاز مہر نا لمہ نا کزیت آ اسلام آباد نیشنل پریس کلب اٹی ہڑزخواہی ریفرنس اس اڈتننگا ، ہراٹی سینئر صحافی افضل بٹ ، شاکر سولنگی، شاہ محمد ڈیٹھوتون اوار اینکرپرسنز و صحافی تا بھلو کچ اس بشخ ہلکر۔ داوخت آ ایماندار نا بخشش کن دعاپاتیا کننگا۔ پنی آ صحافی اعجاز مہر نا لمہ 76سال انا وئی ٹی 17جنوری آ کراچی نا نجی ہسپتال اٹی چنکو ناجوڑی سے آن پد کزیت کرے و اودے گھوٹکی نا خڑک اونا باوہ پیرہ ئی آ قبرستان گوٹھ عارب مہر اٹی جہہ جاگہ کننگا۔ داکان بیدس کراچی ٹی اخترحسین مہر، خالد حسین مہر و سجاد حسین مہر انا کنڈآن ہیوسٹن، امریکہ ٹی ہڑزخواہی دیوان اس مس۔ داکان بیدس سینئر صحافی اعجاز مہر، اخترحسین مہر ، خالد حسین مہر و سجاد حسین مہر ئسک عمار نا کزیت آ ڈکھیائی نا درشانی ءِ کروک آتا منت واری ءِ ہرفینو۔