بنجائی وزیر ڈاکٹر طارق فضل چوہدری نا آر آئی یوجے نا سالانہ گچین کاری تیٹی سرسہب عہدیدار آتے مبارکباد

اسلام آباد۔ 28 جنوری (اے پی پی) بنجائی وزیر پارلیمانی امور ڈاکٹر طارق فضل چوہدری راولپنڈی اسلام آباد یونین آف جرنلسٹس نا سالانہ گچین کاری 2026 اٹی سرسہب مروک آ غٹ عہدیدار آتے مبارکبادی ترسا اوفتے کن نیک است خواہی نا درشانی ءِ کرینے۔ چارشنبے نادے آ ایکس آ تینا اسہ تہنیتی کلہو اسے ٹی او صدر گچین مننگ آ آصف بشیر چوہدری، نائب صدور توصیف عباسی ، رشید ملک ، جنرل سیکرٹری بشیر عثمانی، فنانس سیکرٹری اظہارخان نیازی و جوائنٹ سیکرٹریز راجہ عمران جنجوعہ و رانا فرحان اسلم ءِ مبارکبادی تس و نیک است خواہی نا درشانی ءِ کرے۔ اوایگزیکٹیو کونسل نا غٹ گچین مروک آباسک آک عائشہ ناز، علی اختر ، نوابزادہ شاہ علی، شہزاد راجپوت، حمید عباسی، اسد شرر، غفران چشتی ، نور ایمن زہرا، اعجاز احمد فکری و دوست محمد ءِ ہم مبارکبادی تس و پارے کہ اومیت ءِ کہ پوسکن آ سرکڑدہ غاک صحافی برادری نا حق انا رکھ ، آجوئی صحافت و صحافی تا راجی آسودہی کن پبی کڑد اداکیرہ۔