بنجائی سیکرٹری حوالکاری اشفاق احمد خلیل و پرنسپل انفارمیشن آفیسر مبشرحسن نا آرآئی یوجے نا گچین کاری تیٹی سرسہب عہدیدار آتے مبارکباد

اسلام آباد۔ 28 جنوری (اے پی پی) بنجائی سیکرٹری حوالکاری و شینکاری اشفاق احمد خلیل و پرنسپل انفارمیشن آفیسر (پی آئی او) مبشرحسن راولپنڈی اسلام آباد یونین آف جرنلسٹس (آرآئی یوجے) نا پوسکن گچین مروک آ عہدیدار آتے مبارکبادی تسنو۔ چارشنبے نادے آ تینا تہنیتی بیان اٹی بنجائی سیکرٹری حوالکاری اشفاق احمد خلیل و پی آئی او مبشر حسن آصف بشیر چوہدری ءِ صدر، بشیر عثمانی ءِ جنرل سیکرٹری، اظہار خان نیازی ءِ فنانس سیکرٹری، توصیف عباسی و رشید ملک ءِ نائب صدر وخت ا س کہ عمران جنجوعہ و رانا فرحان اسلم ءِ جوائنٹ سیکرٹریز گچین مننگ آ مبارکبادی تس و اوفتے کن نیک است خواہی نا درشانی ءِ کرے۔ بنجائی سیکرٹری حوالکاری و پی آئی او ئسک پاریر کہ آرآئی یوجے صحافی برادری نا اجتماعی فائدہ غاتا رکھ اٹی اہم ءُ کڑد اس ادا کیرہ، اومیت ءِ پوسکن گچین مروک آ سرکڑدہ صحافی تا ویل آتا ایسری و تنظیمی سوگوی کن گچین گام گیج کیک۔ اوفک پاریر کہ وزارت حوالکاری و شینکاری صحافی تا راجی آسودہی و آجوئی صحافت نا مون آ دننگ کن تینا کمکاری ءِ برجاتخک۔