خیبرپختونخوا نا الس نا شونہالی نا اوفتا بنداوی حق ءِ ، بدبختی اٹ اسٹ اس ہم سنجیدگی اٹ صوبہ نا شونداری کن سجفپننگ ءِ، عطاء اللہ تارڑ

اسلام آباد۔ 28 جنوری (اے پی پی) بنجائی وزیر حوالکاری و شینکاری عطاء اللہ تارڑ پارینے کہ خیبرپختونخوا نا الس نا شونہالی اوفتا بنداوی حق ءِ، بدبختی اٹ اسٹ اس ہم سنجیدگی اٹ صوبہ نا شونداری کن سجفپننگ ءِ، خیبرپختونخوا ٹی بے پناہ پوٹینشل ساڑی ءِ، ہموڑے نہادی جیمز اسٹونز و ماربل ارب آڈالر مالیت نا ءُ، ولے دا وسیلہ غاتے ریگولیٹ کننگ کن ہچ ءُ جوان ءُ نظام اس اف، محمد نواز شریف نا کماشی ٹی مسلم لیگ (ن) شونداری ڈٹ آتا جال اس تالان کرے ، شونداری ءِ گلی محلہ غاتسکان سرکرے، لیپ ٹاپ اسکیم و دانش اسکول آتا کمک اٹ میرٹ آ تالان تعلیم و تربیت فراوان کننگا، ہند الیپ ٹاپ آتا سوب کورونا دین اٹی ورک فراوان ہوم و آن لائن تعلیم ممکن مس، دانش اسکول آتیان فارغ مروک آ طالب علم آک اینو چندی بشخ آتیٹی خذمت سرتننگ ءُ، اینو سیف سٹی ڈٹ الس نا رکھ و وخت آ کارروائی کن گچین پک مننگ ءِ۔ داخیال آتا درشانی ءِ او چارشنبے نادے آ داڑے وزیراعظم نا کوآرڈینیٹر حوالکاری خیبرپختونخوا اختیار ولی خان تون اوار خیبرپختونخوا یوتھ اسمبلی تون گپ وتران کرسا کرے۔ بنجائی وزیر حوالکاری پارے کہ ورناتے مون آ دننگ کن گچین پلیٹ فارم اس فراوان کننگ وخت انا اہم گرج ءِ۔ اوپارے کہ طالب علم آک سیاست تون وابستگی ٹی نہادی آزموندہ دوئی مس ہرافتا تینا قدر اسے، دا سبخ آک مچ آ زند عملی پڑاٹی کاریم بریرہ۔ بنجائی وزیر حوالکاری پارے کہ یوتھ اسمبلی نا پلیٹ فارم بھاز اہم ءِ ہرافتا کمک اٹ نئے بیرہ پالیسی سازی نا عمل ءِ پہہ مننگ نا موقع ملک  بلکن زور اٹی کاریم کننگ، پوسکن آ پالیسی مرتب کننگ و اوفتیا گچین عملدرآمد کون آ امور آتے ہیل کننگ نا ہم موقع فراوان مریک۔ اوپارے کہ اپوزیشن ءِ بیرہ تنقید اسکان محدود سلنگ نا جاگہ غا شیڈو کابینہ اس بایدے ٹہیفنگے و پیدوار وڑاٹ پاننگے کہ خراج یا چندی نظام تا بابت ہرا ویل آتا پیدواری ءِ کننگ انگ ءِ ، اوفتے ہراوڑا ٹ ایسر کننگ مریک۔ بنجائی وزیر پارے کہ پاکستان مسلم لیگ (ن) مدام شونداری پالیسی نا بنداو آ سیاست کرینے۔ مسلم لیگ (ن) نا قائد محمد نواز شریف مچ آملک اٹی شونداری ڈٹ آتا جال اس تالان کرے و شونداری ءِ گلی محلہ اسکان سرکرے۔ اوپارے کہ جان جوڑی و تعلیم نا بشخ آتیٹی ریسہ وار شونداری نا بناءِ کننگا۔ اوپارے کہ داوخت آ شونداری سیاست نا جاگہ غا بیانیہ نا سیاست مون آ بسنے۔ سوشل میڈیا غا بیان آتے بھلو اہمیت اس تننگ انگ ءِ وخت اس کہ راستی تا قدر پدریسہ کم مرسا ہِننگ ءِ۔ عطاء اللہ تارڑ پارے کہ ملک اٹی بناٹی پرنٹ میڈیا ئس ہرانا باقاعدہ ادارتی پنجر مسکہ ہراٹی ایڈیٹوریل بورڈ، رپورٹر، بیوروچیف، ایڈیٹر و ایڈیٹر انچیف اوار ئسر، اوکان پد ہندا بنداو آ الیکٹرانک میڈیا مون آبس۔ الیکٹرانک میڈیا حقیقت اٹ اخباری صحافت آن ودی مس ہراڑکن ریگولیٹری فریم ورک اس جوڑ کننگا و پیمرا جوڑ مس۔ اوپارے کہ ارتقائی عمل تون اوار اوار نیوز چینل آتیٹی ایڈیٹوریل بورڈ، ڈائریکٹرز و ایلو ادارتی نظام ہم درستی راستی کرفنگا۔ اوپارے کہ بدبختی اٹ ہراتم ڈیجیٹل میڈیا نا ارتقاء مس تو اوڑکن ہچ ءُ باقاعدہ ایڈیٹوریل بورڈ، ایڈیٹر انچیف ، رپورٹر، گچین ایڈیٹوریل پالیسی یا ریگولیٹری فریم ورک ساڑی الوکہ۔ اینو مچ آ قوم ءِ ڈیجیٹل میڈیا تون گنڈوک چندی ویل مون آ بننگ ءِ ہرافتے ٹی زالبول ءِ زیزاریفنگ ، بے سگی ، بیدادی و ایلو راجی ویل آک اوار ءُ۔ اوپارے کہ خیبرپختونخوا نا الس نا شونہالی اوفتا بنداوی حق ءِ ولے بدبختی اٹ اسٹ اس ہم سنجیدگی اٹ صوبہ نا جم شونداری کن سجفپننگ ءِ۔ بنجائی وزیر پارے کہ خیبرپختونخوا ٹی بے پناہ پوٹینشل ساڑی ارے و صوبہ نا نہادی جیم سٹون تا مالیت ارب آڈالر اسکان ءِ ولے افسوزناک ہیت دادے کہ دا وسیلہ غاتے ریگولیٹ کننگ کن ہچ ءُ نظام اس جوڑ کننگتنے۔ اوپارے کہ داہم طے کننگتو کہ ماربل دیر اس کشک، ہموڑے واکدار زموار آک مش تے گڈسا ماربل دوئی کننگ ءُ۔ اومثال ترساپارے کہ اٹلی نا پنی آ ماربل نا کانڑ کنی کن ہموڑے بھلو زمیندار یا وڈیرہ ءِ موکل تفننگک بلکن ماربل ہمو کشک ہراڑتون دا بشخ انا باقاعدہ مہارت و تکنیکی لائخی مریک۔ اوپارے کہ محمد نواز شریف 2013ء ٹی مولانا فضل الرحمان ناجماعت تون اواری اٹ حکومت جوڑ کننگ کریکہ ولے چونکہ پی ٹی آئی ءِ گیشتری دوئی ئس ہنداسوب آن اودے حکومت جوڑ کننگ نا سلہ خلنگا ہرا اسہ جمہوری روایت اسے نا درور ءِ۔ بنجائی وزیر پارے کہ سیاسی بیانیہ جوڑ کننگ، سیاسی مخالفت کننگ و پوائنٹ اسکورنگ سیاست نا بشخ ءِ، دا عمل ءِ نن ہم کینہ و ایلو سیاسی جماعت آک ہم کیرہ ، ولے سیاست اٹی اصول و جمہوری قدر ءِ مقدم تخنگ المی ءِ۔ اوپارے کہ پاکستان کڈنی اینڈ لیور انسٹی ٹیوٹ (پی کے ایل آئی) سرسہبی اٹ کاریم کننگ ءِ ہراڑے داتم اسکان اسہ ہزار ٹرانسپلانٹ مسنے ۔ اوپارے کہ داوخت آ شونداری سیاست نا جاگہ غا بیانیہ نا سیاست مون آ بسنے۔ سوشل میڈیا غا بیان آتے بھلو اہمیت اس تننگ انگ ءِ وخت اس کہ راستی تا قدر پدریسہ کم مرسا ہِننگ ءِ۔ عطاء اللہ تارڑ پارے کہ ملک اٹی بناٹی پرنٹ میڈیا ئس ہرانا باقاعدہ ادارتی پنجر مسکہ ہراٹی ایڈیٹوریل بورڈ، رپورٹر، بیوروچیف، ایڈیٹر و ایڈیٹر انچیف اوار ئسر، اوکان پد ہندا بنداو آ الیکٹرانک میڈیا مون آبس۔ الیکٹرانک میڈیا حقیقت اٹ اخباری صحافت آن ودی مس ہراڑکن ریگولیٹری فریم ورک اس جوڑ کننگا و پیمرا جوڑ مس۔ اوپارے کہ خیبرپختونخوا نا الس نا شونہالی اوفتا بنداوی حق ءِ ولے بدبختی اٹ اسٹ اس ہم سنجیدگی اٹ صوبہ نا جم شونداری کن سجفپننگ ءِ۔ بنجائی وزیر پارے کہ خیبرپختونخوا ٹی بے پناہ پوٹینشل ساڑی ارے و صوبہ نا نہادی جیم سٹون تا مالیت ارب آڈالر اسکان ءِ ولے افسوزناک ہیت دادے کہ دا وسیلہ غاتے ریگولیٹ کننگ کن ہچ ءُ نظام اس جوڑ کننگتنے۔بنجائی وزیر حوالکاری پارے کہ سیف سٹی، فارنزک لیبارٹری  وکاؤنٹر ٹیررازم ڈیپارٹمنٹ (سی ٹی ڈی) کون آ ادارہ السی رکھ و قومی سلامتی کن بے کچ اہم ءِ۔ دا کاریم بایدے ایلو صوبہ غاتیٹی ہم مروسس ولے بدبختی اٹ اسہ صوبہ سے ٹی سیاست داسہ شعروشاعری و شئیر تا گواچی مسنے و سیاست نا برانڈ ءِ بدل کرسا بیانیہ و سوشل میڈیا نا دامون ایمون پیری کننگ لگانے ہراڑآن مریس مدی پالیسی سازی و عملی گام گیج زہمی مننگ ءُ۔ اصل جہد تعلیم، جان جوڑی ، انفراسٹرکچر نا شونداری ، سوشل سیکٹرز و کاؤنٹر ٹیرازم نا بشخ آتیٹی بایدے مروسس ولے بدبختی اٹ دا جہد دُز، داڑیل و غدار نا برخلاف بیانیہ نا کنڈآ گدریفنگانے۔ بنجائی وزیر حوالکاری پارے کہ بیانیہ ڈویلپمنٹ آن اسہ کنڈ مرسا شوبازی و فنکاری نا کنڈآ ہنا۔ عطاء اللہ تارڑ پارے کہ خیبرپختونخوا پاکستان نا زیبا انگا صوبہ ءِ و دانا شونداری و شونہالی غٹ انا اسیجائی زمواری ءِ۔ اوپارے کہ ملک انا ایلو صوبہ غاک شون ہلیر و اسہ صوبہ اس بیرہ بیانیہ نا چکر اٹی غٹ آن پدی سلے، دادے ہچ ءُ حالیت اسے ٹی منپنہ۔