بنجائی وزیر سردار اویس احمد خان لغاری نا نیٹ میٹرنگ صارف آتا یونٹس کریڈٹ کپننگ نا نوٹس

اسلام آباد۔ 28 جنوری (اے پی پی) بنجائی وزیر پاور ڈویژن سردار اویس احمد خان لغاری پی پی ایم سی نا پارت آتا رداٹ نیٹ میٹرنگ صارف آتا یونٹس کریڈٹ کپننگ نا نوٹس ءِ ہلسا یونٹس کریڈٹ کننگ نا ویل ءِ ایسر کرے۔ ترجمان پاور ڈویژن نا رداٹ بنجائی وزیر پاور ڈویژن پی پی ایم سی نا پارت آتا رداٹ نیٹ میٹرنگ صارف آتایونٹس کریڈٹ کپننگ نا نوٹس ءِ ہلنگ آن پد بنجائی وزیر نا پرمان تیا پی پی ایم سی نا جاری مروک پارت آتیا دمدستی نظرثانی مروک پارت آتیان پد یونٹس کریڈٹ کننگ نا ویل ایسر کننگانے۔ اوپارے کہ گڑاس نیٹ میٹرنگ صارف آک تینا لیسن (DG Capacity)نا رداٹ منظور مروک لائخی آن زیات نیٹ میٹرنگ سسٹم اس خلکنے، تدو ک آ تُو دافتیان گڑاس صارف آتے گرڈ ءِ بہاکننگا مچ آ بجلی نا ہچ ءُ کریڈٹ اس تننگتنے ولے پاور ڈویژن وضاحت جاری کرینے کہ دا وڑوڈول سہی الوکہ۔ نظرثانی مروک پارت آتا رداٹ بیرہ ہمو یونٹ آک کریڈٹ مفسہ ہرا منظور مروک لائخی آن زیات مریر، داسہ منظور مروک لائخی نا رداٹ ہرا یونٹ آتے نیشنل گریڈ آ گدریفنگانے اوفتا کریڈٹ ملک۔ اوپارے کہ دا بارواٹی غٹ ڈسکوتے پارت جاری کننگانے ہرا صارف آتا بل آتیٹی نیٹ میٹرنگ نا یونٹس کریڈٹ متنے اوفتے کن تعلقدار ایڈجسٹمنٹ بروک آ بلنگ سائیکل اٹی کننگک۔ بنجائی وزیر بجلی صارف آتے اوفتا روا حق ترفنگ آ ہچ ءُ وڑاسے نا سمجھوتہ کپننگ نا عزم انا درشانی ءِ کرینے۔