پاکستان ءِ آئی ٹی و ٹیلی کمیونیکیشن نا بشخ آتون تعلقدار اقوامِ متحدہ نا ادارہ غاتون تعلقداری تے سوگو کننگ کن غٹ اسٹیک ہولڈر آتا نیام اٹ سوگو حکمت عملی اس تینا کننگ نا گرج ءِ، اسحاق ڈار

اسلام آباد۔ 28 جنوری (اے پی پی) نائب وزیراعظم ووزیرخارجہ سینیٹر محمد اسحاق ڈار پارینے کہ پاکستان ءِ آئی ٹی و ٹیلی کمیونیکیشن نا بشخ آتون تعلقدار اقوامِ متحدہ نا ادارہ غاتون تعلقداری تے سوگو کننگ کن غٹ اسٹیک ہولڈر آتا نیام اٹ سوگو حکمت عملی اس تینا کننگ نا گرجءِ۔ داخیال آتا درشانی ءِ او چارشنبے نادے آ داڑے اسہ دیوان اسے نا کماشی ءِ کرساکرے۔ دیوان اٹی انفارمیشن ٹیکنالوجی و ٹیلی کمیونیکیشن نا بشخ آتا بابت کثیر الجہتی فورم تیٹی پاکستان ناساڑی گری و کڑد انا جاچ ءِ ہلنگا۔ دفترخارجہ نا رداٹ نائب وزیراعظم پارے کہ پاکستان ءِ دا بشخ آتون تعلقدار اقوام متحدہ نا ادارہ غاتون تعلقداری تے سوگو کننگ کن غٹ اسٹیک ہولڈر آتا نیام اٹ سوگو حکمت عملی اس تینا کننگ نا گرج ءِ۔ دیون اٹی بنجائی وزیر آئی ٹی، وزیراعظم نا خصوصی کمکار طارق باجوہ، سیکرٹری خارجہ آمنہ بلوچ، سیکرٹری آئی ٹی، جنیوا ٹی پاکستان نا آخبتی نمائندہ و ایلو تعلقدار محکمہ غاتا سینئر آفیسر آک بشخ ہلکر ۔