ابوظہبی۔ 27 جنوری (اے پی پی) صدر مملکت آصف علی زرداری متحدہ عرب امارات نا صدر شیخ محمد بن زاید النہیان نا رواداری و انسانی اخوت نا بابت قومی وژن نا ستاءِ کرسا گپ وتران و پرامن بقائے تین پہ تینی نا اہمیت آ زور شاغانے۔ ایوان صدر نا پریس ونگ انا کنڈآن جاری بیان نار داٹ صدر مملکت آصف علی زرداری تون متحدہ عرب امارات نا وزیر رواداری …
صدر مملکت آصف علی زرداری تون متحدہ عرب امارات نا وزیر رواداری و بقائے تین پہ تینی شیخ نہیان بن مبارک النہیان نا اوڑدہی
گیشتریں ھال
ابوظہبی۔ 27 جنوری (اے پی پی) صدر مملکت آصف علی زرداری متحدہ عرب امارات نا صدر شیخ محمد بن زاید النہیان نا رواداری و انسانی اخوت نا بابت قومی وژن نا ستاءِ کرسا گپ وتران و پرامن بقائے تین پہ تینی نا اہمیت آ زور شاغانے۔ ایوان صدر نا پریس ونگ انا کنڈآن جاری بیان نار داٹ صدر مملکت آصف علی زرداری تون متحدہ عرب امارات نا وزیر رواداری و بقائے تین پہ تینی شیخ نہیان بن مبارک النہیان سے شنبے نادے آ داڑے اوڑدہی کرے۔ صدر مملکت اوڑدہی ٹی رواداری و بقائے تین پہ تینی نا عزم انا درشانی ءِ کرے۔ اوڑدہی ٹی گپ وتران نا مون آ دننگ، شمولیت و پرامن بقائے تین پہ تینی نا اہمیت آ زور شاغنگا۔ صدر مملکت شیخ محمد بن زاید النہیان نا بصیرت افروز کماشی ءِ خراج تحسین پیش کرسا اونا رواداری و انسانی اخوت نا بابت قومی وژن نا ستاءِ کرے۔ صدر مملکت 200 آن زیات قومیت آتا نیام اٹ سیوت و تین پہ تینی شرف نا مون آدننگ اٹ متحدہ عرب امارات نا سرسہبی ءِ راجی ہم گرنچی نا اسہ متاثرکن وڑاس گوندا۔ داوخت آ خاتون اول آصفہ بھٹو زرداری، قومی اسمبلی نا باسک و چیئرمین پیپلزپارٹی بلاول بھٹو زرداری ، بنجائی وزیر داخلہ و انسدا دمنشیات سید محسن نقوی و متحدہ عرب امارات اٹی پاکستان نا سفیر ہم ساڑی ئسک۔
