ابوظہبی۔ 27 جنوری (اے پی پی) صدر مملکت آصف علی زرداری تون اے ڈی پورٹس گروپ نا منیجنگ ڈائریکٹر و گروپ سی ای او کیپٹن محمد جمعہ الشامسی سے شنبے نادے آ خیرخواہی اوڑدہی کرے۔ صدر مملکت اے ڈی پورٹس گروپ نا مریس مدی زرکاری و پاکستان نا بحری و لاجسٹکس بشخ اٹی اونا ودوک آ کڑد انا ستاءِ کرے و اودے پاکستان۔ متحدہ عرب امارات اقتصادی کمکاری نا …
صدر مملکت آصف علی زرداری تون اے ڈی پورٹس گروپ نا منیجنگ ڈائریکٹر و گروپ سی ای او کیپٹن محمد جمعہ الشامسی نا خیرخواہی اوڑدہی
گیشتریں ھال
ابوظہبی۔ 27 جنوری (اے پی پی) صدر مملکت آصف علی زرداری تون اے ڈی پورٹس گروپ نا منیجنگ ڈائریکٹر و گروپ سی ای او کیپٹن محمد جمعہ الشامسی سے شنبے نادے آ خیرخواہی اوڑدہی کرے۔ صدر مملکت اے ڈی پورٹس گروپ نا مریس مدی زرکاری و پاکستان نا بحری و لاجسٹکس بشخ اٹی اونا ودوک آ کڑد انا ستاءِ کرے و اودے پاکستان۔ متحدہ عرب امارات اقتصادی کمکاری نا اسہ اہم ءُ تمبہ اس گوندا۔ اوکراچی بندرگاہ غا گروپ نابرجازرکاری ءِ بندرگاہی لائخی، کارکڑد و علاقائی مسابقت اٹی ودکی کن بے کچ اہم گوندا۔ ایوان صدر نا پریس ونگ آن جاری بیان نا رداٹ فریق آک داہیت آامنا کریر کہ بندرگاہی انفراسٹرکچر نا ودکی و جدید کاری آن واپاری بہاؤ سوگو مریک و پاکستان نا گیشتر زرگزرانی شونداری و سمندری واپار ءِ مون آدننگ ملک۔ صدر مملکت اسلام آباد اٹی اے ڈی پورٹس گروپ نا نمائندہ دفترنا جوڑ کننگ نا خیرمقدم ءِ کرے و واپار نا کارکڑد ءِ گچین کننگ کن ڈیجیٹل و کسٹمز کمکاری نا گام گیج آتیا گروپ نا کمکاری نا ستاءِ کرے۔ دااوڑدہی ٹی خاتون اول بی بی آصفہ بھٹو زرداری، قومی اسمبلی نا باسک و چیئرمین پاکستان پیپلزپارٹی بلاول بھٹو زرداری ومتحدہ عرب امارات اٹی پاکستان نا سفیر ہم شریک ئس۔
