سمندر پار پاکستانی تا میرات و جائیداد آتیا غیرکانودی کوزہ ءِ سگنگ پننگک، وزیرداخلہ محسن نقوی

اسلام آباد۔ 27 جنوری (اے پی پی) بنجائی وزیر داخلہ محسن نقوی اوورسیز پاکستانی تا جائیداد آتا رکھ اکن اہم و فیصلہ کن گام گیج آتا پڑو ءِ کرینے۔ راجی رابطہ نا ویب سائٹ ‘‘ایکس’’ آ تینا اسہ خصوصی کلہو اسے ٹی وزیر داخلہ پیدوار کرے کہ سمندر پار پاکستانی تا میرات وجائیداد آتیا غیرکانودی کوزہ ءِ سگنگ پننگک۔ وزیرداخلہ اسلام آباد انتظامیہ ءِ سخت پارت جاری کرسا پارینے کہ اگہ کس اس اوورسیز پاکستانی تینا جائیداد آتیا غیرکانودی کوزہ نا حوال ایتک تو ڈپٹی کمشنر (ڈی سی) اسلام آباد دا باندات نا ہر حال اٹ 7 دے انا تہہ ٹی فیصلہ کننگ نا پابندمریک۔ اوباوری کرفے کہ سمندر پار پاکستانی تا جائیداد آتا حق انا پورو رکھ ءِ کننگک و کس اسے ہم اوفتا خواری نا کٹیا غا کوزہ کننگ نا موکل تفننگک۔ محسن نقوی بنجائی دارالحکومت (آئی سی ٹی) ٹی زرکاری کروک آ پاکستانی تا خیرمقدم ءِ کرسا اوفتا زرکاری ءِ قدرانا نظر اٹ ہُننگک۔ اوقول کرے کہ حکومت سمندر پارپاکستانی تے اسہ رکھوک و ‘ انویسٹر فرینڈلی’ چاگڑد اس فراوان کیک۔ اومستی پارے کہ جائیداد و میرات آتا رکھ اکن شفاف و دمدستی کارروائی ءِ پک کننگک تانکہ اوورسیز پاکستانی تا میرات آک سد درسد رکھ مننگ کیر۔