مچ آملک اٹی پولیومہم 2آن 8 فروری اسکان برجاسلک، این ای اوسی

اسلام آباد۔ 27 جنوری (اے پی پی) مچ آملک اٹی 2آن 8 فروری اسکان قوم انا آخبت ءِ مچ آ وئی نا معذوری آن رکھوک کننگ نا قومی مشن نا بناءِ کننگک، دامہم اٹی 4 کروڑ 50 لکھ آن زیات چناتا جان جوڑ آخبت ءِ پک کننگک۔ قومی ایمرجنسی آپریشن سینٹر (این ای اوسی) نا کنڈآن جاری بیان نارداٹ 2 آن 8 فروری اسکان 4 لکھ آن زیات پولیو ورکرز مچ آملک اٹی نمادرگہ غا دستک ایترہ، داپولیو ورکرآتیکن تینا درگہ غاتے ملبو۔ پولیوورکرآتے بخیر اٹ پابو و تینا چناتے معذور مننگ آن رکھ کبو۔ تدوک آ سال تیٹی پاکستان پولیو نا برخلاف داجنگ اٹی نمان پیش رفت کرینے ولے پولیو نا خطرہ پدریسہ ننتون ساڑی ءِ، ولے داڑآن بچنگ مریک۔ این ای او سی نا کمامدار آک پارینو کہ پولیو آن بچفنگ کن 5 سال اسکان نا ہر چناءِ دا و ہرپولیو مہم اٹی پولیو آن بچفنگ نا پڑی المی کنفر۔