اسلام آباد۔ 27 جنوری (اے پی پی) وزیراعظم نا فوکل پرسن انسداد پولیو عائشہ رضافاروق پارینے کہ سوگو حکومتی سرکڑدہ و گیٹس فاؤنڈیشن کون آ پت انا قابل شریدار آتا کمک اٹ پاکستان فیصلہ کن وڑاٹ پولیو نا پورو چٹفنگ نا کنڈآ ہِننگ ءِ۔ اوپاکستان اٹ پولیو نا چٹفنگ نا کوشست آتے مون آ دننگ و جان جوڑی نا گیشتر نتیجہ غاتے سوگو کننگ اٹ اونا مریس خذمت و …
پاکستان فیصلہ کن وڑاٹ پولیو نا پورو چٹفنگ نا کنڈآ ہِننگ ءِ، عائشہ رضافاروق
گیشتریں ھال
اسلام آباد۔ 27 جنوری (اے پی پی) وزیراعظم نا فوکل پرسن انسداد پولیو عائشہ رضافاروق پارینے کہ سوگو حکومتی سرکڑدہ و گیٹس فاؤنڈیشن کون آ پت انا قابل شریدار آتا کمک اٹ پاکستان فیصلہ کن وڑاٹ پولیو نا پورو چٹفنگ نا کنڈآ ہِننگ ءِ۔ اوپاکستان اٹ پولیو نا چٹفنگ نا کوشست آتے مون آ دننگ و جان جوڑی نا گیشتر نتیجہ غاتے سوگو کننگ اٹ اونا مریس خذمت و قدر انا ستاءِ کرسا ڈاکٹر کھیتی نیوزیل ءِ اونا ساڑی آ تقرری آ مبارکبادی پیش کرے۔ داخیال آتا درشانی ءِ او گیٹس فاؤنڈیشن نا اسہ بڑزکو کہولی ڈل اسے نا نیشنل ایمرجنسی آپریشنز سینٹر(این ای او سی) نا دورہ ٹی کرے۔ اوڈل ءِ جم وجوش اٹ بخیرکرے۔ ڈل اٹی گیٹس فاؤنڈیشن نا صدر جہانی شونداری کرس ایلیاس و ڈائریکٹر پولیو کیتھی نیوزیل ئسک اوار ئسر۔ عائشہ رضافاروق ڈاکٹر کیتھی نیوزیل ءِ اونا ساڑی آ تقرری آ مبارکبادی تس و پاکستان اٹ پولیو نا چٹفنگ نا کوشست آتے مون آ دننگ و جان جوڑی نا گیشتر نتیجہ غاتے سوگو کننگ اٹ اونا مریس خذمت و قدر مہارت نا ستاءِ کرے۔ اوپارے کہ سوگو حکومتی سرکڑدہ وگیٹس فاؤنڈیشن کون آپت انا قابل شریدار آتا کمک اٹ پاکستان فیصلہ کن وڑاٹ پولیو نا پورو چٹفنگ نا کنڈآ ہِننگ ءِ۔ ڈل ءِ این ای او سی کنٹرول روم اٹی این ای او سی نا کوآرڈی نیٹر محمد انوارالحق پولیو چاروکی نا نظام و تازہ انگا پیش رفت نا بابت حوال تس۔ حوال اٹی پولیو نا حالیت ، مانیٹرنگ میکنزم و برجاگام گیج آتے سرجمی اٹ مون آتخا۔ داوخت آپاکستان پولیو چٹفنگ پروگرام زیروپولیو 2026 روڈمیپ اتون وابستگی نا درشانی ءِ کرے گیٹس فاؤنڈیشن وگلوبل پولیو ایراڈیکیشن انیشی ایٹیو(جی پی ای آئی) نا پولیو آن پاک پاکستان وپولیو آن پاک دنیا نا دوئی کننگ کن پدریسہ کمکاری آ منت واری ءِ ہرفے۔
