سرکاری خڑچ آ پارلیمانی ڈل انا عمرہ و حج آ ہِننگ نا بابت شینک  مروک آ خبر آتیٹی ہچ ءُ راستی اس اف، ترجمان قومی اسمبلی

اسلام آباد۔ 27 جنوری (اے پی پی) ترجمان قومی اسمبلی پارینے کہ سرکاری خڑچ آ پارلیمانی ڈل انا عمرہ و حج آ ہِننگ نا بابت شینک مروک آ خبر آتیٹی ہچ ءُ راستی اس اف ۔ قومی اسمبلی نا باسک آتا حج یا عمرہ نا ہچ ءُ آسراتی اس دوئی اف و نئے ہی دا آسراتی ءِ تننگ مریک۔ سے شنبے نادے آ ترجمان قومی اسمبلی اسہ وضاحتی بیان اسے ٹی پارے کہ قومی اسمبلی ٹی نومبر 2026ٹی منظور مروک آ قرارداد نا رداٹ ہرسال قومی اسمبلی نا باسک آتا اسہ ڈل اس جندی خڑچ آ 12 ربیع الاول آ روزہ رسول صلی اللہ علیہ و آلہ وسلم آ حاضری ایتک۔ قرارداد ءِ مون آ تخسا ڈل انا غٹ باسک آک تینا خڑچ آتے تینٹ سگرہ ، ایس او پی تا رداٹ وزارت مذہبی امور بیرہ انتظامی امور کن آسراتی فراوان کیک ہرانا رداٹ وزارت ہم ہچ ءُ خڑچ اس سگپک۔ سرکاری خڑچ آ داوڑنا دورہ نا سلاہ باسک اسے نا جندی سلاہ مننگ کیک ولے دُن ءُ ہچ ءُ سلاہ سے نا منظوری ءِ تننگتنے۔