السی ویل آتے اولیتی بنداو تیا ایسر کننگ اُن، مرتضیٰ جاوید عباسی

ایبٹ آباد۔ 27 جنوری (اے پی پی) مسلم لیگ (ن) خیبرپختونخوا نا جنرل سیکرٹری مرتضیٰ جاوید عباسی پارینے کہ حلقہ نا الس نا ویل آتے اولیتی بنداو تیا ایسر کننگ اُن۔ گچین مروک قومی اسمبلی نا باسک مفننگ آن پد ہم نن حلقہ نا الس نا پبی خذمت ءِ کننگ اُن، مچ آ ہزارہ ٹی غٹ میگا پروجیکٹ آتے مسلم لیگ (ن) نا حکومت جوڑ کرینے، ساڑی گچین مروک نمائندہ غاک علاقہ کن ہچ ءُ کاریم اس کتنو۔ او سے شنبے نادے آ پبلک ڈے انا وخت آ چندی یونین کونسل آتیان بروک آ ڈل آتون گپ وتران کریکہ۔ اوڈل آتا ویل آتے بِنگ و تعلقدار آفیسر آتے دمدستی ایسرکننگ نا پارت جاری کرے۔ مرتضیٰ جاوید عباسی پارے کہ مسلم لیگ (ن) نا قائد نواز شریف و وزیراعظم شہباز شریف ہزارہ نامخلوق تون بھاز مہرومریبت کیرہ ، ہزارہ ڈویژن اٹی مسلم لیگ (ن) نا سد آ ڈٹ آک ءُ۔