اسلام آباد۔ 27 جنوری (اے پی پی) وزیراعظم محمد شہبازشریف میانمار تون واپار، زرگزران، تعلیم ، دودوربیدہ، کاریم نا کچ اٹی ودکی و السی رابطہ غاتا بشخ آتیٹی کمکاری نا مون آ دننگ نا اہمیت آ زور شاغسا ہڑتوم آکنڈآتا تعلقداری تے پین سوگو کننگ نا عزم انا درشانیءِ کرینے۔ سے شنبےنادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہبازشریف تون میانمار نا وزیرخارجہ …
وزیراعظم محمد شہباز شریف تون میانمار نا وزیرخارجہ یوتھان سوئے نا اوڑدہی، ہڑتوم آ کنڈآتا تعلقداری تے پین سوگو کننگ نا عزم انا درشان
گیشتریں ھال
اسلام آباد۔ 27 جنوری (اے پی پی) وزیراعظم محمد شہبازشریف میانمار تون واپار، زرگزران، تعلیم ، دودوربیدہ، کاریم نا کچ اٹی ودکی و السی رابطہ غاتا بشخ آتیٹی کمکاری نا مون آ دننگ نا اہمیت آ زور شاغسا ہڑتوم آکنڈآتا تعلقداری تے پین سوگو کننگ نا عزم انا درشانیءِ کرینے۔ سے شنبےنادے آوزیراعظم آفس نا میڈیا ونگ آن جاری بیان نا رداٹ وزیراعظم محمد شہبازشریف تون میانمار نا وزیرخارجہ یوتھان سوئے اوڑدہی کرے۔ نائب وزیراعظم و وزیرخارجہ سینیٹر محمد اسحاق ڈار و وزیراعظم نا خصوصی کمکار طارق فاطمی ئسک ہم اوڑدہی ٹی ساڑی ئسر۔ وزیراعظم خاص کر انسانی اسمگلنگ نا برخلاف کارروائی ٹی میانمار نا کمکاری و پاکستان نا آسیان تون رابطہ غاتا مون آ دننگ کن میانمار نا مخ تفی نا ستاءِ کرے۔ میانمار نا وزیرخارجہ جم وجوش اٹ بخیر کننگ آ وزیراعظم نا منت واری ءِ ہرفے و میانمار نا سرکڑدہ نا کنڈآن نیک است خواہی و خیرخواہی نا کلہو آتے سرکرسا تین پہ تینی است خواہی نا بشخ آتیٹی پاکستان تون تعلقداری تا مون آ دننگ نا است خواہی نا درشانی ءِ کرے۔ میانمار نا وزیرخارجہ تدوک آ سال 28 مارچ اٹی بھسکار زمی جمب آن پد پاکستان نا وخت آ امداد آ ہم وزیراعظم نا منت واری ءِ ہرفے۔
