اوورسیز پاکستانی ملک انا نہادی میرات و زرگزران نا حقی جوڑ کروک آک ءُ، اعظم نذیر تارڑ

بارسلونا۔ 26 جنوری (اے پی پی) بنجائی وزیر کانود و انسانی حق اعظم نذیر تارڑ پارینے کہ اوورسیز پاکستانی ملک انا نہادی میرات و زرگزرانی نا حقی جوڑ کروک آک ءُ۔ ترجمان وزارت کانود و انصاف نا رداٹ داخیال آتا درشانی ءِ او ہوپ آف اوورسیز پاکستانیز اسپین نا کنڈآن اوورسیز انٹرنیشنل کنونشن بار سلونا آن تران کرساکرے۔ اواوورسیز پاکستانی تا زر راہی تس ءِ ملکی زرگزران نا سوگوی ٹی تمبہ گوندسا پارے کہ حکومت اوفتا ویل آتا ایسری ءِ اولیتی بنداو تیا پک کننگ ءِ۔ بنجائی وزیر کانود مستی پارے کہ اوورسیز پاکستانی ہرمشکل وخت اٹی پاکستان تون سلیسر و حکومت اوفتاراجی آسودہی ، آسراتی و کانودی رکھ اکن عملی گام گیج کننگ ءِ۔ کنونشن اٹی چیئرمین اوورسیز پاکستانیز فاؤنڈیشن سید قمر رضاشاہ، پاکستان نا سفیر ڈاکٹر ظہور احمد، قونصل جنرل بارسلونا مراد علی وزیر، ہوپ آف اوورسیز پاکستانیز نا سرپرست چوہدری ساجد تارڑ، چوہدری امانت حسین مہر، مہران تارڑ، سعید شیخ ، چوہدری ساجد گوندل و ممبر پاکستان بار کونسل محمد احسن بھون ئسک ہم تران کریر۔