بنجائی وزیر ریلوائی حنیف عباسی نا پاکستان ریلویز ہیڈکوارٹر لاہور اٹی بزنس فیسلی ٹیشن سینٹر نا بنا ءِ کرے

لاہور۔ 26 جنوری (اے پی پی) بنجائی وزیر ریلوائی محمد حنیف عباسی پاکستان ریلویز ہیڈ کوارٹر ز لاہور اٹی بزنس فیسلی ٹیشن سینٹر نا باضابطہ بناءِ کرے۔ بزنس فیسلی ٹیشن سینٹر نا قیام پاکستان ریلویز تون کاروبار کرفوک آ شریدار آتا آسراتی کن جوڑ کننگانے۔ بنجائی وزیر ریلوائی پارے کہ بزنس فیسلی ٹیشن سینٹر آن پاکستان ریلویز نا فریٹ، لاجسٹک و کمرشل امور اٹی نمان ترندی، آسراتی و شفافیت ہم بریک۔ اوپارے کہ داہند زرکار و کاروبار ی ادارہ غاتیکن ون ونڈو آسراتی فراوان کیک ہراڑے اوفتے دمدستی راہشونی و وخت آ فیصلہ اسکان براہ راست رسینگ دوئی مریک۔ حنیف عباسی پیدوار کرے کہ پاکستان ریلویز تون کاروبار کروک آ غٹ بندغ و ادارہ غاتے بیرہ صارف آخا بلکن کاروباری شریدار تکنگک و اوفتے ہرممکن حداسکان آسراتی فراوان کننگک۔ اوپارے کہ بزنس فیسلی ٹیشن سینٹر اٹی بروک آ زرکار و کاروباری بندغ آتیکن انفارمیشن ڈیسک آ معلومداری دستیاب مریک و بیدس انتظار آن اوفتا راہشونی و کمکاری ءِ کننگک۔