ورناتا تعلیمی لائخی ءِ ودفنگ کن گچین گام گیج حکومت نا اولیت ءِ، وزیراعظم شہباز شریف نا رانا مشہود تون اوڑدہی ٹی گپ وتران

اسلام آباد۔ 27 جنوری (اے پی پی) وزیراعظم محمد شہباز شریف یوتھ پروگرام نا رداٹ ورناتا راجی آسودہی کن گام گیج آتیا است جمی نا درشانی ءِ کرسا پارینے کہ ورناتا تعلیمی لائخی ءِ ودفنگ کن گچین گام گیج حکومت نا اولیت ءِ۔ وزیراعظم محمد شہباز شریف تون چیئرمین وزیراعظم یوتھ پروگرام رانا مشہود احمد خان سے شنبے نادے آ داڑے اوڑدہی کرے۔ وزیراعظم آفس نا میڈیا ونگ انا کنڈآن جاری بیان نا رداٹ چیئرمین یوتھ پروگرام رانا مشہود احمد خان وزیراعظم ءِ یوتھ پروگرام خاص کر لیپ ٹاپ اسکیم تون تعلقدار امور آ حوال تس۔ وزیراعظم یوتھ پروگرام نا رداٹ ورناتا راجی آسودہی کن برجاگام گیج آتیا است جمی نا درشانیءِ کرساپارے کہ ورناتا تعلیمی لائخی ءِ ودفنگ کن گچین گام گیج حکومت نا اولیت ءِ۔ اوپارےکہ بنجائی حکومت ورناتے کسب آن شُپ کننگ و اوفتا کاریم نا کچ اٹی پین ودکی کن ہرممکن وسیلہ غاتے کاریم اٹ اتیک۔