اسپیکر قومی اسمبلی سردار ایاز صادق نا لاہور پریس کلب نا پوسکن گچین مروک آ عہدیدار آتے مبارکباد

اسلام آباد۔ 26 جنوری (اے پی پی) اسپیکر قومی اسمبلی سردار ایاز صادق لاہور پریس کلب نا پوسکن گچین مروک آ عہدیدار آتے سرسہبی آ مبارکبادی پیش کرینے۔ دوشنبے نادے آ تینا تہنیتی کلہواٹی اوارشد انصاری ءِ صدر، سلمان قریشی ءِ سینئر نائب صدر، افضال طالب ءِ جنرل سیکرٹری، ناصرہ عتیق و مدیحہ الماس ءِ نائب صدرو، سالک نواز ءِ خازن و عمران شیخ ءِ جوائنٹ سیکرٹری گچین مننگ آ نیک است خواہی نا درشانی ءِ کرے۔ اسپیکر قومی اسمبلی سردار ایاز صادق پارے کہ لاہور پریس کلب صحافی برادری نا اسہ توانا و گچین ءُ توار اسے ہرا صحافی تاحق انا رکھ ، کسبی قدر انا مون آ دننگ و آجوئی صحافت کن اہم کڑد ادا کننگ ءِ۔ اوپارے کہ اسہ سوگو و وتواجہ میڈیا جمہوری نظام نا سوگوی کن المی ءِ۔ اسپیکر قومی اسمبلی دااومیت نا درشانی ءِ کرے کہ لاہور پریس کلب نا پوسکن گچین مروک آ سرکڑدہ غاک صحافی تے مون تروک ویل آتا ایسری و اوفتا راجی آسودہی کن پبی کڑد ادا کیرہ۔ اوپارے کہ پارلیمنٹ و میڈیا نا نیام اٹ مثبت و خڑکی رابطہ جمہوری ادارہ غاتا سوگوی کن اہم اہمیت تخک۔ سردار ایاز صادق پوسکن گچین مروک آ عہدیدار آتیکن نیک است خواہی نا درشانی ءِ کرسا پارے کہ او صحافی برادری نا راجی آسودہی و آجوئی درشانی سلاہ نا مون آ دننگ کن تینا زمواری تے جوان وڑاٹ پورو کیک۔