بلوچستان ترند موسمی ہلہلہ ئی حالیت آتا مون اٹی، وزیراعلیٰ نا برانز و سڑک آتا بند کننگ آن پاناد کننگ آ زور

کوئٹہ۔ 26 جنوری (اے پی پی) وزیراعلیٰ بلوچستان میر سرفراز بگٹی پارینے کہ انسانی جان تا رکھ و زہمی علاقہ غاتسکان وخت آ  کمکی گڑاتا فراوانی حکومت نا اولیت ءِ، بلوچستان ترند موسمی ہلہلہ ئی حالیت آتا گواچیءِ  ہرانا سوب آن صوبائی حکومت نا مچ آ مشینری ریسکیو و ریلیف آپریشن اٹی اختہ ءِ۔ وزیراعلیٰ ہاؤس آن جاری کروک بیان اٹی وزیراعلیٰ میر سرفراز بگٹی پارے کہ تنکی نا دانازرک وخت اٹی برانز و سڑک آتا بندش سیاست آخا بلکن انسانی جان تے خطرہ ٹی شاغنگ آنبار ءِ۔ اوناپاننگ ئس کہ روڈ بلاکجز و برانزی سرجزآتے ریسکیو و کمکی کاریم تے لتاڑنگ نا بریبر ءِ ، ہراڑآن زہمی بندغ آتا کمک اٹ تاخیر نا خدشہ ودک۔ میر سرفراز بگٹی پیدوار کرے کہ سیاسی اختلافات  اوکان پد ہم کننگ مریک ولے الس نا جانک انتظار کننگ کپسہ۔ اوپارے کہ صوبائی حکومت الس نا رکھ آن ہچ ءُ حالیت اسے ٹی چکار ءِ اینک کننگ نا موکل تفک و ہلہلہ ئی حالیت آتیٹی ہرممکن گام گیج کننگ انگ ءِ۔ وزیراعلیٰ بلوچستان  غٹ سیاسی و راجی قوت آتیان خواست کرے کہ او زمواری نا درشانی ءِ کیر و حکومت تون کمک کیر۔ اوناپاننگ ئس کہ داوخت آ غٹ آن اولیت الس نا جان ءِ بچفنگ ءِ، ہنداسوب آن اڑاند جوڑ مننگ نا جاگہ غا الس تون ہم کوپہ سلوئی مروئی مریک۔