2026اٹی اولیکو وار قومی پولیو تور مہم 2 آن 8 فروری اسکان برجاسلک، ہراٹی 4 کروڑ 50لکھ چناتے پولیو آن رکھ جوڑ کننگ نا ہدف ءِ، فوکل پرسن عائشہ رضافاروق

اسلام آباد۔ 26 جنوری (اے پی پی) وزیراعظم محمد شہباز شریف نا فوکل پرسن پولیو تور عائشہ رضافاروق پارینے کہ پولیو مہم اٹی 4 کروڑ 50 لکھ آن زیات چناتے دا مرض آن رکھ کننگ نا ہدف تخنگانے۔ تینا کلہو اٹی اوپارے کہ 2026 نا اولیکو ومی پولیو تور مہم 2 فروری آن بناکننگک ہراٹی 4 کروڑ 50 لکھ آن زیات چناتے پولیو آن بچفنگ نا پڑی کُنفنگک، 4 لکھ آن زیات پولیو ورکرز ہر اُراغا ہنسا چناتے پولیو آن بچفنگ نا پُڑی کنفرہ ، دامہم 8 فروری اسکان برجاسلک۔ اولمہ و باوہ و کمیونٹی آن خواست کرے  کہ او پولیو ورکرز آتون پبی کمکاری کیر خاص کر لمہ و باو ہ ہر مہم اٹی چناتے پولیو آن بچفنگ نا پڑی ضرور کنفر۔ اونا پاننگ ئس  کہ بنجائی و صوبائی ادارہ غاک پولیو نا چٹفنگ کن پورو یکجہتی اٹ کاریم کننگ ءُ، حکومت دا مرض انا پورو چٹفنگ کن سنبرینگوک ءِ ، دا چرجوئی ٹی السی کمکاری اہم حیثیت تخک۔ اوپارے کہ عالم دین و میڈیا پولیو آن بچفنگ نا آگاہی ٹی گچین کڑد ادا کیر، ببو نن غٹ اواری اٹ پولیو ءِ شکست ایتن و جان جوڑ پاکستان ءِ پک کین۔