پاکستان آسٹریلیا تون دوستانہ و تعمیری تعلقداری تے قدر انا نظر اٹ ہرک، صدر مملکت آصف علی زرداری

اسلام آباد۔ 26 جنوری (اے پی پی) صدر مملکت آصف علی زرداری آسٹریلیا نا قومی دے آآسٹریلیا نا گورنر جنرل و الس ءِ مبارکبادی ترساپارینے کہ پاکستان آسٹریلیا تون دوستانہ و تعمیری تعلقداری تے قدر انا نظر اٹ ہرک۔ دوشنبے نادے آ ایوان صدر نا پریس ونگ آن جاری بیان اٹی صدر مملکت آصف علی زرداری پارے کہ پاکستان، آسٹریلیا شریداری تین پہ تینی شرف و اسیجائی جمہوری قدر آتیا تالان ءِ۔ اوپارے کہ واپار ، زرکاری و تعلیم نا بشخ آتیٹی کمکاری پین مون آ کاہک۔ صدر مملکت آصف علی زرداری پارے کہ پاکستان آسٹریلیا تون امن و اسیجائی شونہالی کن خڑکی کمکاری کن سنبرینگوک ءِ، موسمیاتی مزاحمت وجدت اٹی پاکستان آسٹریلیا کمکاری نا پوسکن آ وارخواہی ساڑی ءِ۔ اوپارے کہ بڑزکو کہولی رابطہ غان تین پہ تینی تفہیم پین سوگو مریک۔ صدر مملکت آصف علی زرداری علاقائی و جہانی امور اٹی پاکستان و آسٹریلیا کمکاری ءِ برجاتخنگ نا عزم انا درشانی ءِ کرے۔