این ڈی ایم اے نا خیبرپختونخوا، بلوچستان، گلگت بلتستان و آزاد کشمیر نا چندی علاقہ غاتیٹی گمانی پِر و بر ف انا الرٹ جاری

اسلام آباد۔ 26 جنوری (اے پی پی) این ڈی ایم اے خیبرپختونخواہ، بلوچستان، گلگت بلتستان و آزاد کشمیر نا چندی علاقہ غاتیٹی گمانی پِر و برف انا الرٹ جاری کرینے۔ بروک آ 12 گھنٹہ ٹی خیبرپختونخوا، بلوچستان، گلگت بلتستان و آزاد کشمیر نا گیشتر ضلع غاتیٹی پِر و مشی آ علاقہ غاتیٹی برف انا گمان ءِ۔ این ڈی ایم اے نا رداٹ خیبرپختونخوا ٹی چترال، دیر، سوات، کوہستان، شانگلہ، مالاکنڈ ، کرم ، وزیرستان ، مانسہرہ ، مہمند ، بونیر، ہری پور، ایبٹ آباد، پشاور، چارسدہ، نوشہرہ، صوابی کرک، بنوں، ڈیرہ اسماعیل خان و کوہاٹ اٹی پِر گمانی ءِ۔ گلگت بلتستان اٹی گلگت، استور، غزر، دیامیر، سکردو، ہنزہ، و شگر نا علاقہ غاتیٹی پِر و مشی آ علاقہ غاتیٹی ہم برف انا گمان ءِ۔ آزاد کشمیر اٹی باغ، مظفرآباد، پونچھ، حویلی، کوٹلی، بھمبر ونیلم اٹی ہم پِر و بڑزکو علاقہ غاتیٹی برف انا گمان ءِ۔ پِر و برف انا سوب سڑک آتیا لغوشست و ٹریفک نا روانی زہمی مننگ نا گڑتی ءِ۔ این ڈی ایم اے الس آن خواست کرینے کہ الس برف و پِر اٹی بے گرج سفر آن پاناد کے و رکھی تدابیر اختیار کے۔ گمانی خطرہ غاتارداٹ ریسکیو و سڑک آتا بحالی کن تعلقدار ادارہ غاتے الرٹ مننگ نا پارت ہم کرینے۔ این ڈی ایم اے نانیشن ایمرجنسی آپریشن سینٹر غٹ حالیت و گمانی خطرہ غاتا بابت الس و تعلقدار ادارہ غاتسکان پیشگی آگاہی نا فراوانی ءِ پک کننگ ءِ ، پک معلومداری، گمانی خطرہ و رکھی تدابیر آتا بابت آگاہی و راہشونی کن پاک این ڈی ایم اے ڈیزاسٹر الرٹ ایپ ءِ کاریم اٹ اتیر۔