بنجائی وزیر حوالکاری عطاء اللہ تارڑ نا لاہور پریس کلب نا پوسکن گچین مروک آ عہدیدار آتے مبارکباد

اسلام آباد۔ 26 جنوری (اے پی پی) بنجائی وزیر حوالکاری و شینکاری عطاء اللہ تارڑ لاہور پریس کلب نا پوسکن گچین مروک آ عہدیدار آتے مبارکبادی ترسا پارینے کہ پریس کلب صحافی تا سوگو توار ءِ و صحافی برادری نا راجی آسودہی کن ہرممکن گام گیج کننگک۔ دوشنبے نادے آ تینا تہنیتی بیان اٹی بنجائی وزیر حوالکاری ارشد انصاری ءِ لاہور پریس کلب نا صدر، سلمان قریشی ءِ سینئر نائب صدر، افضال طالب ءِ جنرل سیکرٹری، ناصرہ عتیق و مدیحہ الماس ءِ نائب صدور، سالک نواز ءِ خازن و عمران شیخ ءِ جوائنٹ سیکرٹری گچین مننگ آمبارکبادی تس۔ بنجائی وزیر حوالکاری پارے کہ پریس کلب صحافی تا سوگو توار ءِ ، ہرا کسبی قدر انا مون آدننگ و صحافی تا یکجہتی کن اہم کڑد ادا کیک۔ اواومیت ظاہر کرے کہ لاہور پریس کلب نا پوسکن گچین مروک آ باڈی صحافی تا ویل آتا ایسری ، پریس کلب نا راجی آسودہی و آجوئی صحافت نامون آ دننگ کن پبی کڑ د ادا کیک۔ بنجائی وزیر حوالکاری پوسکن گچین مروک آ سرکڑدہ غاتیکن نیک است خواہی نا ہم درشانی ءِکرے۔