پاکستان کشمیری الس نا حق خودارادیت نا پورو مخ تفی ءِ برجاتخک، بنجائی وزیر انجینئر امیر مقام

اسلام آباد۔ 26 جنوری (اے پی پی) بنجائی وزیر امور کشمیر و گلگت بلتستان و سیفران انجینئر امیر مقام پارینے کہ بھارتی یوم جمہوریہ کشمیری الس کن تہار دے ءِ، پاکستان کشمیری الس نا حق خودارادیت نا پورو مخ تفی ءِ برجاتخک۔ دوشنبے نادے آ تینا بیان اٹی بنجائی وزیر پارے کہ بھارت کشمیری تا حق خودارادیت ءِ غصب کرسا جمہوریت نا دعویٰ کننگ ءِ۔ مقبوضہ کشمیر اٹی انسانی حق انا بدترین خلاف ورزی برجاءِ۔ اوپارے کہ بھارت جمہوری ملک آتیکن اسہ کلنگ نا ٹیکہ اسے، کنٹرو ل لائن نا ہڑتوم آ کنڈ پاکستان و مچ آ دنیا نا کشمیریک بھارتی یوم جمہوریہ ءِ تہار دے انا وڑاٹ اڈتننگ ءُ۔ انجینئر امیرمقام پارے کہ پاکستان کشمیری الس نا حق خودارادیت نا پورو مخ تفی ءِ برجاتخک ، جہانی برادری مقبوضہ کشمیر اٹی بھارتی ظلم آتا نوٹس ءِ ہلے۔