بنجائی وزیر حوالکاری عطاء اللہ تارڑ نا سینئر صحافی سید عون شیرازی نا اُرائی نا کزیت آ ہڑزخواہی کن اونا اُراغا بس، ایماندار نا روح انا ثواب کن دعاپاتیاکرے

کوٹ مومن۔ 25 جنوری (اے پی پی) بنجائی وزیر حوالکاری وشینکاری عطاء اللہ تارڑ شنبے نادے آ سینئر صحافی سید عون شیرازی نا اُرائی نا کزیت آ ہڑزخواہی کن اونا اُراغا ہنا و ایماندار نا روح انا ثواب کن دعاپاتیاکرے۔ مسکوہی ڈپٹی اسپیکر پنجاب اسمبلی میاں مناظر علی رانجھا ہم بنجائی وزیر تون اوار ئس۔ بنجائی وزیر عطاء اللہ تارڑ سید عون شیرازی و ایلو خاہوت تون ہڑزخواہی و ہمدردی نا درشانی ءِ کرسا پارے کہ سید عون شیرازی نا اُرائی نا کزیت خاہوت کن بے بدل ءُ نسخان اسے۔ پدسلوک آتا ڈکھیائی ٹی بریبر نا شریک اُن۔ اودعاکرے کہ اللہ تعالیٰ ایماندار ءِ جنت اٹ بڑزکو ہند و خاہوت ءِ صبر وجمیل عطاکے۔ بنجائی وزیر حوالکاری پاکستان ٹی وی نا سپورٹس پروڈیوسر ارسلان شیرازی نا نومولود مسڑ نا کزیت آہم ہڑزخواہی و ہمدردی نا درشانی ءِ کرے۔